CENTVRIE PREMIERE
From Ocean
|
LES PROPHETIES DE M. NOSTRADAMUS |
ESTANT assis de nuit secret estude,
Seul repousé sus la sel le d'ærain,
Flambe exigue sortaint de solitude,
Fait proferer qui n'est à croire vain.
Laverge en mai mise au milieudeBRANICHES
De l'onde il moulle & le limbe & le pired.
Vn peur & voix fremissent par les maniches,
Splendeur diuine. Le diuin prés s'assiedt.
3
Quand la lictiere du tourbillon versée,
Et seront faces de leurs manteaux couuers,
La republique par gens nouueaux vexée,
Lors blancs & rouges iugeront à l'enuers.
4
Par l' vniuers sera faict vng monarque,</p>
Qu'en paix & vie ne sera longuement :
Lors se perdra la piscature barque,
Sera regie en plus grand detriment.
5
Chassés seront sans faire long combat</p>
Par le pays seront plus fort greués :
Bourg & cité auront plus grand debat,
Carcas. Narbone aurot cueurs esprouués.
6
L'oeil de Rauenne sera destitué,</p>
Quand а ses pieds les aesles fallliront,
Les deux de Bresse auront constitué,
Turin, Verseil que Gauloys fouleront.
7 Tard arriué l'execution faicte
Le vent contraire, letres au chemin prinses
Les coniures .xiiij. dune secte
Par le Rosseau senez les entreprinses.
8 Combien de foys prinse cité solaire
Seras, changeant les loys barbares & vaines.
Ton mal s'aproche: Plus seras tributaire
La grand Hadrie reourira tes veines.
9 De l'Orient viendra le cueur Punique
Facher Hadrie & les hoirs Romulides,
Acompaigné de la classe Libycque,
Trembler Mellites: & proches isles vuides.
10 Serpens transmis dens la caige de fer
Ou les enfans septains du roy sont pris:
Les vieux & peres sortiront bas de l'enfer,
Ains mourir voir de son fruict mort & crys.
11 Le mouuemet de sens, cueur, pieds, & mains
Seront d acord. Naples, Leon, Secille,
Glaifues, feus, eaux: puis aux nobles Romais,
Plongés, tués, mors par cerueau debile.
12 Dans peu dira faulce brute, fragile,
De bas en hault esleué promptement:
Puys en instant desloyale & labile
Qui de Veronne aura gouuernement.
13 Les exiles par ire, haine intestine,
Feront au roy grand coniuration:
Secret mettront ennemis par la mine,
Et ses vieux siens contre eux sedition.
14 De get esclaue chansons, chatz & requestes,
Captifs par princes & seigneur aux prisons:
A l'auenir par idiots sans testes
Seront receus par diuins oraisons.
15 Mars nous menasse par sa force bellique
Septante foys fera le sang espandre:
Auge & ruyne de l'Ecclesiastique
Et plus ceux qui d'eux rievoudrot entendre.
16 Faulx а l'estang ioinct vers le Sagitaire
En son hault AVGE de l'exaltation,
Peste, famine, mort de main militaire:
Le siecle approche de renouation.
17 Par quarante ans l'Iris n'aparoistra,
Par quarante ans tous les iours sera veu:
La terre aride en siccité croistra,
Et grands deluges quand sera aperceu.
18 Par la discorde negligence Gauloyse
Sera passaige à Mahommet ouuert:
De sang trempé la terre & mer Senoyse
Le port Phocen de voiles & nefs couuert.
19 Lors que serpens viendront circuir l'are,
Le sang Troien vexé par les Hespaignes
Par eux grand nombre en sera faicte tare,
Chief, fuyct caché aux mares das les saignes.
20 Tours, Orleas, Bloys, Angiers Reis, & nates
Cités vexées par subit changement:
Par langues estrages seront tendues tentes
Fluues, dardsRenes, terre & mer treblemet.
21 Profonde argille blanche nourrir rochier,
Qui d' vn abysme istra lacticineuse,
En vain troubles ne l'oseront toucher
Ignorants estre au fond terre argilleuse.
22 Ce que viura & n'aiant aucun sens,
Viendra leser а mort son artifice:
Autun, Chalon, Langres & les deux Sens,
La gresle & glace fera grand malefice.
23 Au mois troisiesme se leuant le soleil,
Sanglier, liepard au chap mars pour cobatre:
Liepard laissé, au ciel extend son oeil,
Vn aigle autour du soleil voyt s'esbatre.
24 A cité neufue pensif pour condemner,
Loysel de proye au ciel se vient offrir:
Apres victoire а captifs pardonner,
Cremoe & Matoue grads maux aura souffert.
25 Perdu, trouué, caché de si long siecle
Sera pasteur demi dieu honoré,
Ains que la lune acheue son grand cycle
Par autres veux sera deshonoré.
26 Le grand du fouldre tumbe d'heure diurne,
Mal & predict par porteur postulaire:
Suiuant presage tumbe d'heure nocturne,
Conflit Reins, Londres, Etrusque pestifere.
27 Dessoubz de chaine Guien du ciel frappé,
Non loing de la est caché le tresor,
Qui par longs siecles auoit esté grappé,
Trouue mourra: l'oeil creué de ressort.
28 La tour de Bouq' gaindra fuste Barbare,
Vn teps, log temps apres barque hesperique,
Bestail, ges, meubles tousdeux ferot grad tare
Taurus & Libra quelle mortelle picqué!
29 Quand le poisson terrestre & aquatique
Par forte vague au grauier sera mis,
Sa forme estrange suaue & horrifique,
Par mer aux murs bien tost les ennemis.
30 La nef estrange par le tourment marin
Abourdera pres de port incongneu,
Nonobstant signes de rameau palmerin,
Apres mort, pille: bon auis tard venu.
31 Tant d'ans les guerres en Gaule dureront,
Oultre la course du Castulon monarque,
Victoire incerte trois grands couronneront
Aigle, coq, lune, lyon, soleil en marque.
32 Le grand empire sera tost translaté
En lieu petit qui bien tost viendra croistre:
Lieu bien infime d'exigue comté
Ou au milieu viendra poser son sceptre.
33 Prés d' vn grant pont de plaine spatieuse,
Le grand lyon par forces Cesarées
Fera abbatre hors cité rigoreuse,
Par effroy portes luy seront reserées.
34 L'oyseau de proye volant à la senestre
Auant conflict faict aux Francoys pareure
L' vn bon prendra, l' vn ambigue sinistre,
La partie foyble tiendra par bon augure.
35 Le lyon ieune le vieux surmontera,
En champ bellique par singulier duelle,
Dans caige d'or les yeux luy creuera:
Deux classes vne, puis mourir, mort cruelle,
36 Tard le monarque se viendra repentir
De n'auoir mis à mort son aduersaire:
Mais viendra bien à plus hault consentir
Que tout son sang par mort fera defaire,
37 Vng peu deuant que le soleil s'esconse,
Conflict donné, grand peuple dubieux:
Proffligés, port marin ne faict responce,
Pont & sepulchre en deux estranges lieux.
38 Le Sol & l'aigle au victeur paroistront:
Responce vaine au vaincu l'on asseure,
Par cor ne crys harnoys n'arresteront
Vindicte, paix par mort si acheue à l'heure.
39 De nuict dans lict le supresme estrangle
Pour trop auoir subiourné, blond esleu,
Par troys l'empire subroge exancle,
A mort mettra carte, pacquet ne leu.
40 La trombe faulse dissimulant folie
Fera Bisance vn changement de loys:
Hystra d'Egypte qui veult que l'on deslie
Edict changeant monnoyes & aloys.
41 Siege en cité, & de nuict assaillie,
Peu eschapés: non loing de mer conflict.
Femme de ioye, retours filz defaillie
Poison & lettres cachées dans le plic.
42 Le dix Kalendes d'Apuril de faict Gotique
Resuscité encor par gens malins:
Le feu estainct, assemblée diabolique
Cherchant les or du d'Amant & Pselyn.
43 Auant qu'auienne le changement d'empire,
Il auiendra vn cas bien merueilleux,
Le champ mué, le pilier de porphyre
Mis, translaté sus le rochier noilleux.
44 En brief seront de retour sacrifices,
Contreuenants seront mis à martyre:
Plus ne seront moines abbés ne nouices:
Le miel sera beaucoup plus cher que cire.
45 Secteur de sectes grand preme au delateur:
Beste en theatre, dressé le ieu scenique:
Du faict antique ennobli l'inuenteur,
Par sectes monde confus & scismatique.
46 Tout aupres d'Aux, de Lectore & Mirande
Grand feu du ciel en troys nuicts tumbera:
Cause auiendra bien stupende & mirande:
Bien peu apres la terre tremblera.
47 Du lac Leman les sermons facheront:
Des iours seront reduicts par les sepmaines,
Puis mois, puis an, puis tous deffailliront,
Les magistrats damneront leur loys vaines.
48 Vingt ans du regne de la lune passés
Sept mil ans autre tiendra sa monarchie:
Quand le soleil prendra ses iours lassés
Lors accomplir & mine ma prophetie.
49 Beaucoup beaucoup auant telles meneés
Ceux d'Orient par la vertu lunaire
Lan mil sept cent feront grand emmenées
Subiugant presques le coing Aquilonaire.
50 De l'aquatique triplicité naistra
D' vn qui fera le ieudy pour sa feste:
Son bruit, loz, regne, sa puissance croistra,
Par terre & mer aux orients tempeste.
51 Chef d'Aries, Iuppiter & Saturne,
Dieu eternel quelles mutations!
Puis par log siecle son maling teps retourne,
Gaule & Itale quelles esmotions!
52 Les deux malins de Scorpion conioints,
Le grand seigneur meurtri dedans sa salle:
Peste а l'eglise par le nouueau roy ioint,
L'Europe basse & Septentrionale
53 Las qu'on verra grand peuple tormenté
Et la loy saincte en totale ruine
Par aultres loyx toute Chrestienté,
Quand d'or d'argent trouue nouuelle mine.
54 Deux reuolts faits du malin falcigere,
De regne & siecles faict permutation:
Le mobil signe а son endroict si ingere,
Aux deux egaux & d'inclination.
55 Sous l'opposite climat Babylonique
Grande sera de sang effusion,
Que terre & mer, air, ciel sera inique:
Sectes, faim, regnes, pestes, confusion.
56 Vous verrés tost & tard faire grand change
Horreurs extremes, & vindications,
Que si la lune conduicte par son ange
Le ciel s'approche des inclinations.
57 Par grand discord la trombe tremblera.
Accord rompu dressant la teste au ciel:
Bouche sanglante dans le sang nagera:
Au sol sa face ointe de laict & miel.
58 Trenché le ventre, naistra auec deux testes,
Et quatre bras: quelques ans entier viura:
Iour qui Alquilloye celebrera ses festes
Foussan, Turin, chief Ferrare suyura.
59 Les exiles deportés dans les isles
Au chagement d' vng plus cruel monarque,
Seront meurtrys: & mis deux des scintilles
Qui de parler ne seront estés parques.
60 Vn Empereur naistra pres d'Italie,
Qui а l'Empire sera vendu bien cher,
Diront auecques quels gens il se ralie
Qu'on trouuera moins prince que boucher.
61 La republique miserable infelice
Sera vastée du nouueau magistrat:
Leur grand amas de l'exil malefice
Fera Sueue rauir leur grand contract.
62 La grande perte las que feront les letres:
Auant le cicle de Latona parfaict,
Feu, grand deluge plus par ignares sceptres
Que de long siecle ne se verra refaict.
63 Les fleaux passés diminue le monde
Long temps la paix terres inhabitées
Seur marchera par ciel, terre, mer, & onde:
Puis de nouueau les guerres suscitées.
64 De nuit soleil penseront auoir veu
Quad le pourceau demy-homme on verra,
Bruict, chant, bataille, au ciel battre aperceu
Et bestes brutes a parler lon orra.
65 Enfant sans mains iamais veu si grad foudre:
L'enfant royal au ieu d'oesteuf blessé.
Au puy brises: fulgures alant mouldre:
Trois sous les chaines par le milieu troussés:
66 Celui qui lors portera les nouuelles,
A pres vn peu il viendra respirer.
Viuiers, Tournon, Motferrant & Pradelles,
Gresle & tempestes les fera souspirer.
67 La grand famine que ie sens approcher,
Souuent tourner, puis estre vniuersele,
Si grande & longue qu'on viendra arracher
Du bois racine, & l'enfant de mammelle.
68 O quel horrible & malheureux torment
Troys innocens qu'on viendra а liurer.
Poyson suspecte, mal garde tradiment
Mis en horreur par bourreaux enyurés.
69 La grand montaigne ronde de sept estades,
Apres paix, guerre, faim, inundation,
Roulera loing abysmant grands contrades,
Mesmes antiques, & grand fondation.
70 Pluie, faim, guerre en Perse non cessée
La foy trop grande trahira le monarque,
Par la finie en Gaule commencée:
Secret augure pour а vng estre parque.
71 La tour marine troys foys prise & reprise
Par Hespagnols, barbares, Ligurins:
Marseille & Aix, Arles par ceux de Pise
Vast, feu, fer, pillé Auignon des Thurins.
72 Du tout Marseille des habitans changée,
Course & poursuitte iusques au pres de Lyo.
Narbo. Tholoze par Bourdeaux outragée:
Tués captifz presque d' vn milion.
73 France а cinq pars par neglect assailie
Tunys, Argiels esmeus par Persiens,
Leon, Seuille, Barcelonne faillie
N'aura la classe par les Venitiens.
74 Apres seiourné vogueront en Epire:
Le grand secours viendra vers Antioche,
Le noir poil crespe tendra fort а l'empire:
Barbe d'aerain le roustira en broche.
75 Le tyran Siene occupera Sauone:
Le fort gaigné tiendra classe marine:
Les deux armées par la marque d'Ancone
Par effraieur le chef s'en examine.
76 D' vn nom farouche tel proferé sera,
Que les troys seurs auront fato le nom:
Puis grand peuple par langue & faict duira
Plus que nul autre aura bruit & renom.
77 Entre deux mers dressera promontoire
Que puis mourra par le mords du cheual:
Le sien Neptune pliera voyle noire,
Par Calpre & classe aupres de Rocheual.
78 D' vn chief vieillard naistra sens hebeté,
Degenerant par sauoir & par armes
Le chef de France par sa soeur redouté:
Champs diuisés, concedés aux gendarmes.
79 Bazaz, Lectore, Condon, Ausch, & Agine
Esmeus par loys, querele & monopole.
Car Bourd. Toulouze Bay. metra en ruine
Renouueler voulant leur tauropole.
80 De la sixiesme claire splendeur celeste
Viendra tonner si fort en la Bourgoigne:
Puis naistra monstre de treshideuse beste.
Mars, apuril, May, Iuig grad charpi & rogne.
81 D'humain troupeau neuf seront mis а part
De iugement & conseil separés:
Leur sort sera diuisé en depart
Kap. Thita Lambda mors, bannis esgarés.
82 Quand les colomnes de bois grande treblée
D'Auster conduicte couuerte de rubriche
Tant vuidera dehors grand assemblée,
Trembler Vienne & le pais d'Austriche.
83 La gent estrange diuisera butins,
Saturne en Mars son regard furieux:
Horrible strage aux Tosquans & Latins,
Grecs, qui seront а frapper curieux.
84 Lune obscurcie aux profondes tenebres,
Son frere pasle de couleur ferrugine:
Le grand caché long temps sous les latebres,
Tiedera fer dans la plaie sanguine.
85 Par la response de dame, roy troublé:
Ambadassadeurs mespriseront leur vie:
Le grand ses freres contrefera doublé
Par deus mourront, ire, haine, enuie.
86 La grande royne quand se verra vaincu,
Fera exces de masculin courraige:
Sus cheual, fluue passera toute nue,
Suite par fer: а foy fera oultrage.
87 Ennosigée feu du centre de terre
Fera trembler au tour de cité neufue:
Deux gradsrochiers log tepsferont la guerre
Puis Arethusa rougira nouueau fleuue.
88 Le diuin mal surprendra le grand prince
Vn peu deuant aura femme espousée,
Son puy & credit а vn coup viendra mince,
Conseil mourra pour la teste rasée.
89 Touts ceux de Ilerde serot dedans Mosselle,
Metans а mort tous ceux de Loyre & Seine:
Secours marin viendra pres d'haulte velle
Quand Hespagnols ouurira toute veine.
90 Bourdeaux, Poitiers, au son de la campane
A grande classe ira iusques а l'Angon,
Contre Gauloys sera leur tramontane,
Quad mostres hideux naistra pres de Orgon.
91 Les dieux feront aux humains apparence,
Ce quils seront auteurs de grand conflit:
Auant ciel veu serain espée & lance,
Que vers main gauche sera plus grand afflit
92 Sous vn la paix par tout sera clamée,
Mais non long temps pillé & rebellion,
Par refus ville, terre, & mer entamée,
Morts & captifz le tiers d' un milion.
93 Terre Italique pres des monts tremblera,
Lyon & coq non trop confederés,
En lieu de peur l' un l'autre saidera,
Seul Castulon & Celtes moderés.
94 Au port Selin le tyran mis à mort
La liberté non pourtant recouurée:
Le nouueau Mars par vindicte & remort:
Dame par force de frayeur honorée.
95 Deuant monstier trouué enfant besson
D'heroic sang de moine & vestutisque:
Son bruit par secte langue & puissance son
Qu'on dira fort eleué le vopisque.
96 Celui qu'aura la charge de destruire
Temples, & sectes, changés par fantasie,
Plus aux rochiers qu'aux viuas viedra nuire
Par langue ornée d'oreilles ressaisies.
97 Ce que fer flamme n'asceu paracheuer,
La doulce langue au conseil viendra faire.
Par repos, songe, le roy fera resuer.
Plus l'ennemi en feu, sang militaire.
98 Le chef qu'aura conduit peuple infini
Loing de son ciel, de meurs & lague estrage:
Cinq mil en Crete & Thessale fini,
Le chef fuiant sauué en marine grange.
99 Le grand monarque que fera compaignie
Auecq deux roys vnis par amitié:
O quel souspir fera la grand mesnie:
Enfants Narbon а l'entour quel pitié!
100 Long temps au ciel sera veu gris oiseau
Au pres de Dole & de Tousquane terre,
Tenant au bec vn verdoiant rameau,
Mourra tost grand, & finira la guerre.
P R O P H E T I E S
D E
M: N O S T R A D A M V S.
