CENTVRIE QVARTE
From Ocean
|
LES PROPHETIES DE M. NOSTRADAMUS |
CELA du reste de sang non espandu:
Venise quiert secours estre donné:
Apres auoir bien long temps attendu.
Cité liurée au premier corn sonné.
Par mort la France prendra voyage à faire
Classe par mer, marcher monts Pyrenées,
Hespagne en trouble, marcher get militaire:
Des plus grand dames en Frace emmenées.
D'Arras & Bourges, de Brodes gras eseignes
Vn plus grand nobre de Gascos batre а pied,
Ceulx log du Rosne saignerot les Espaignes:
Proche du mont ou Sagonte s'assied.
L'impotet price faché, plainctz & quereles.
De rapts & pilles par coqz & par libyques:
Grand est par terre, par mer infinies voiles,
Seure Italie sera chaslant Celtiques.
Croix, paix, sous vn accompli diuin verbe,
L'Hespaigne & Gauleseront vnis ensemble.
Grand clade proche, & combat tresacerbe:
Cueur si hardi ne sera qui ne tremble.
D'habits nouueaux apres faicte la treuue,
Malice tramme & machination:</p>
Premier mourra qui en fera la preuue
Couleur venise insidiation.
7 Le mineur filz du grand & hay prince,
De lepre aura а vingt ans grande tache:
De dueil sa mere mourra bie triste & mince.
Et il mourra la ou toumbe cher lache.
8 La grad cité d'assaut prompt repentin,
Surprins de nuict, gardes interrompus:
Les excubies & veilles saint Quintin
Trucidés, gardes & les pourtails rompus.
9 Le chef du camp au milieu de la presse
D' vn coup de fleche sera blessé aux cuisses,
Lors que Geneue en larmes & detresse
Sera trahie par Lozan & Souysses.
10 Le ieune prince accusé faulsement
Metra en trouble le camp & en querelles:
Meurtri le chef pour le soustenement:
Sceptre apaiser: puis guerirescroueles.
11 Celuy qu'aura gouuert de la grand cappe
Sera induict а quelque cas patrer:
Les X I I. rouges viedrot souiller la nappe
Sous meurtre, meutre se viendra perpetrer.
12 Le camp plus grand de route mis en fuite,
Gueres plus outre ne sera pourchassé:
Ost recampé, & legion reduicte
Puis hors des Gaules du tout sera chassé.
13 De plus grand perte nouuelles raportées,
Le raport fait le camp s'estonnera:
Bandes vnies encontre reuoltées:
Double phalange grand abandonnera.
14 La mort subite du premier personnaige
Aura changé & mis vn autre au regne:
Tost, tard venu а si haut & bas aage,
Que terre & mer faudra que lon le craigne.
15 D'ou pensera faire venir famine,
De la viendra le ressasiement:
L'oeil de la mer par auare canine
Pour de l' vn l'autre donrra huyle, froment.
16 La cité franche de liberté fait serue:
Des profligés & resueurs faict asyle.
Le roy changé à eux non si proterue:
De cent seront deuenus plus de mille.
17 Changer à Beaune, Nuy, Chalos & Digeon
Le duc voulant amander la Barrée
Marchat pres fleuue, poisson, bec de plogeo,
Ver ra la queue: porte sera serrée.
18 Des plus letrés dessus les faits celestes
Seront par princes ignorants reprouués:
Punis d'Edit, chassés, comme scelestes,
Et mis а mort la ou seront trouués.
19 Deuant ROVAN d'Insubres mis le siege,
Par terre & mer enfermés les passages.
D'Haynault, & Flandres, de Gand & ceux de
Par dons laenees rauiront les riuages.
20 Paix vberté long temps lieu louera
Par tout son regne desert la fleur de lis:
Corps morts d'eau, terre la lon aportera,
Sperants vain heur d'estre la enseuelis.
21 Le changement sera fort difficile:
Cité, prouince au change gain fera:
Cueur haut, prudent mis, chassé lui habile.
Mer, terre, peuple son estat changera.
22 La grand copie qui sera deschassée,
Dans vn moment fera besoing au roy:
La foy promise de loing sera fauscée
Nud se verra en piteux desarroy.
23 La legion dans la marine classe
Calcine, Magnes soulphre, & poix bruslera:
Le long repos de lasseurée place:
Port Selyn, Hercle feu les consumera.
24 Ouy sous terre saincte d'ame, voix fainte,
Humaine flamme pour diuine voyr luire,
Fera des seuls de leur sang terre tainte
Et les saints teples pour les impurs destruire.
25 Corps sublimes sans fin а l'oeil visibles
Obnubiler viendront par ses raisons:
Corps, front comprins, sens, chief & inuisibles,
Diminuant les sacrées oraisons.
26 Lou grand eyssame se leuera d'abelhos,
Que non sauran don te siegen venguddos
Denuech l'ebousq;,lou gach dessous las treilhos
Cieutad trahido p'(er) cinq legos no nudos.
27 Salon, Mansol, Tarascon de SEX. l'arc,
Ou est debout encor la piramide.
Viendront liurer le prince Dannemarc
Rachat honni au temple d'Artemide.
28 Lors que Venus du sol sera couuert,
Souz l'esplendeur sera forme occulte,
Mercure au feu les aura descouuert
Par bruit bellique sera mis а l'insulte.
29 Le sol caché eclipse par Mercure
Ne sera mis que pour le ciel second.
De Vulcan Hermes sera faite pasture,
Sol sera veu pur rutilant & blond.
30 Plus X I. fois lune, sol. ne voudra,
Tous augmentés & baissés de degré:
Et si bas mis que peu or lon coudra:
Qu'apres faim, peste descouuert le secret.
31 La lune au plain de nuit sus le haut mont,
Le nouueau sophe d' vn seul cerueau la veu:
Par ses disciples estre immortel semond
Yeux au mydi. En seins mains, corps au feu.
32 Es lieux & temps chair au poiss. donrra lieu:
La loy commune sera faicte au contraire:
Vieux tiendra fort, puis osté du milieu
Le ((Pànta chiona philon)) mis fort arriere.
33 Iuppiter ioint plus Venus qu'а la Lune
Apparoissant de plenitude blanche:
Venus cachée soubs la blancheur Neptune,
De Mars frappé par la granée branche.
34 Le grand mené captif d'estrange terre,
D'or enchainé au roy CHYREN offert,
Qui dans Ausonne, Milla perdra la guerre,
Et tout son ost mis а feu & а fer.
35 Le feu estaint, les vierges trahiront
La plus grand part de la bande nouuelle:
Fouldre а fer, lance les seuls roy garderont:
Etrusque & Corse, de nuit gorge allumelle.
36 Les ieux nouueaux en Gaule redressés,
Apres victoire de l'Insubre champaigne:
Monts, d'Esperie, les grands liés, troussés:
De peur trebler la Romaigne & l'Espaigne.
37 Gaulois par saults, monts viendra penetrer:
Occupera le grand lieu de l'Insubre:
Au plus profond son ost fera entrer:
Gennes, Monech pousseront classe rubre.
38 Pendant que duc, roy, royne occupera
Chef Bizant dn captif en Samothrace:
Auant l'assauit l' vn l'autre mangera:
Rebours ferré suyura du sang la trasse.
39 Les Rodiens demanderont secours
Par le neglet de ses hoyrs delaissée.
L'empire Arabe reualera son cours
Par Hesperies la cause redressée.
40 Les forteresses des assieges sarrés
Par poudre а feu profondés en abysme:
Les proditeurs seront touts vifs serrés
Onc aux sacristes n'auint si piteux scisme.
41 Gymnique sexe captiue par hostaige
Viendra de nuit custodes deceuoyr:
Le chef du camp deceu par son langaige
Lairra а la gente, fera piteux а voyr.
42 Geneue & Langres par ceux de Chartres & Dolle
Et par Grenoble captif au Motlimard
Seysset, Losanne par fraudulente dole,
Les trahiront par or soyxante marc.
43 Seront oys au ciel les armes batre:
Celuy an mesme les diuins ennemis
Voudront loix sainctes iniustemet debatre,
Par foudre & guerre bie croyas а mort mis.
44 Lous gros de Mende, de Roudés & Milhau
Cahours, Limoges, Castres malo, sepmano
De nuech l'intrado, de Bourdeauxvncailhau
Par Perigort au toc de la campano.
45 Par conflit roy, regne abandonera:
Le plus grand chef fallira au besoing:
Mors profligés peu en rechapera,
Tous destranchés, vn en sera tesmoing.
46 Bien defendu le faict par excelence,
Garde toy Tours de ta proche ruine.
Londres & Nantes par Reims fera defense
Ne passés outre au temps de la bruine.
47 Le noir farouche quand aura essayé
Sa main sanguine par feu, fer, arcs tendus:
Trestout le peuple sera tant effraie:
Voyr les plus grads par col & pieds pendus.
48 Plannure Ausonne fertile, spacieuse
Produira taons si trestant sauterelles:
Clarté solaire deuinendra nubileuse,
Ronger le tout, grand peste venir d'elles.
49 Deuant le peuple sang sera respandu
Que du haut ciel ne viendra eslogner:
Mais d' vn long temps ne sera entendu
L'esprit d' vn seul le viendra tesmoigner.
50 Libra verra regner les Hesperies,
Deciel, & terre tenir la monarchie:
D'Asie forces nul ne verra peries
Que sept ne tiennent par rang la hierarchie.
51 Le duc cupide son ennemi ensuiure
Dans entrera empeschant sa phalange:
Astes а pied si pres viendront poursuiure,
Que la iournée conflite pres de Gange.
52 La cité obsesse aux murs homes & femmes,
Ensemis hors le chef prestz а soy rendres
Vent sera fort encontre les gens-darmes:
Chassés seront par chaux, poussiere & cedre.
53 Les fuitifs & bannis reuoqués:
Peres & filz grand garnisent les hauts puids:
Le cruel pere & les siens suffoqués:
Son filz plus pire submergé dans le puis.
F I N
Ce present liure a esté acheue d' imprimer
le I I I I . iour de Mai M. D. L V.
