CENTVRIE SECONDE
From Ocean
|
LES PROPHETIES DE M. NOSTRADAMUS |
1
VERS Aquitaine par insults Britanniques,
De par eux mesmes grandes incursions.
Pluies, gelées ferot terroirs iniques,
Port Selyn fortes fera inuasions.
2
La teste blue fera la teste blanche</p>
Autant de mal que France a fait leur bien.
Mort а l'anthene grand pedu sus la branche,
Quand prins des sies le roy dira combien.
3
Pour la chaleur solaire sus la mer
De Negrepont les poissons demis cuits:
Les habitans les viendront entamer
Quad Rhod. & Gennes leur faudra le biscuit.
4
Depuis Monech iusques au pres de Secile</p>
Toute la plage demourra desolée,
Il ny aura fauxbourg, cité, ne vile
Que par Barbares pillée soit & vollée.
5 Qu'en dans poisson, fer & letre enfermée
Hors sortira qui puys fera la guerre,
Aura par mer sa classe bien ramée,
Apparoissant pres de Latine terre.
6 Aupres des portes & dedans deux cités
Seront deux fleaux oncques n'aperceu vn tel,
Faim dedans peste, de fer hors gens boutés,
Crier secours au grand Dieu immortel.
7 Entre plusieurs aux isles deportés
L' vn estre nay à deux dens en la gorge
Mourront de faim les arbres esbrotés
Pour eux neuf roy nouel edict leur forge.
8 Temples sacrés prime façon Romaine
Reieteront les goffes fondements,
Prenant leurs loys premieres & humaines,
Chassant, non tout, des saints les cultements.
9 Neuf ans le regne le maigre en paix tiendra,
Puis il cherra en soif si sanguinaire:
Pour luy grad peuple sans foy & loy mourra
Tué par vn beaucoup plus de bonnaire.
10 Auant long temps le tout sera range
Nous esperons vn siecle bien senestre:
L'estat des masques & des seulz bien changé
Peu troueront qu'а son rang veuille estre.
11 Le prochain fils de l'asnier paruiendra
Tant esleué iusques au regne des fors,
Son aspre gloire vn chacun la craindra,
Mais ses enfants du regne getés hors.
12 Yeux clos, ouuerts d'antique fantasie
L'habit des seulz seront mis а neant,
Le grand monarque chastiera leur frenesie:
Rauir des temples le tresor par deuant.
13 Le corps sans ame plus n'estre en sacrifice:
Iour de la mort mis en natiuité:
L'esprit diuin fera l'ame felice
Voiant le verbe en son eternité.
14 A. Tours, Iean, garde serot yeux penetrants
Descouuriront de loing la grand sereyne,
Elle & sa suitte au port seront entrants
Combat, poulssés, puissance souueraine.
15 Vn peu deuant monarque trucidé?
Castor Pollux en nef, astre crinite.
L'erain publiq par terre & mer vuidé
Pise, Ast, Ferrare, Turin, terre interdicte.
16 Naples, Palerme, Secille, Syracuses,
Nouueaux tyrans, fulgures feuz celestes:
Force de Londres, Gand, Brucelles, & Suses
Grand hecatombe, triumphe, faire festes.
17 Le camp du temple de la vierge vestale,
Non esloigné d'Ethne & monts Pyrenées:
Le grand conduict est caché dens la male
North. getés fluues & vignes mastinées.
18 Nouuelle & pluie subite impetueuse
Empeschera subit deux exercites.
Pierre, ciel, feuz faire la mer pierreuse,
La mort de sept terre & marin subites.
19 Nouueaux venus, lieu basti sans defense,
Occuper place par lors inhabitable.
Prez, maisons, chaps, villes predre а plaisace,
Faim, peste, guerre, arpen long labourable.
20 Freres & seurs en diuers lieux captifs
Se trouueront passer pres du monaque,
Les contempler ses rameaux ententifz,
Desplaisat voir meto, frot, nez, les marques.
21 L'embassadeur enuoyé par biremes
A mi chemin d'incogneuz repoulsés:
De sel renfort viendront quatre triremes,
Cordes & chaines en Negrepont troussés.
22 Le camp Asop d'Eurotte partira,
S'adioignant proche de lisle submergée:
D'Arton classe phalange pliera,
Nobril du monde plus grad voix subrogée.
23 Palais, oyseaux, par oyseau dechassé,
Bien tost apres le prince preuenu,
Combien qu'hors fleuue ennemis repoulsé
Dehors saisi trait d'oyseau soustenu.
24 Bestes farouches de faim fluues tranner:
Plus part du camp encontre Hister sera,
En caige de fer le grand fera traisner,
Quand Rin enfant Germain obseruera.
25 La garde estrange trahira forteresse:
Espoir & vmbre de plus hault mariage.
Garde deceue, sort prinse dans la presse,
Loyre, Son. Rosne, Gar. а mort oultrage.
26 Pour la faueur que la cite fera
Au gran qui tost perdra champ de bataille,
Fuis le rang Po, Thesin versera
De sag, feuz, morts, noyes de coup de taille.
27 Le diuin verbe sera du ciel frapé,
Qui ne pourra proceder plus auant.
Du reserant le secret estoupé
Qu'on marchera par dessus & deuant.
28 Le penultime du surnom du prophete
Prendra Diane pour son iour & repos:
Loing vaguera par frenetique teste,
Et deliurant vn grand peuple d'impos.
29 L'oriental sortira de son siege,
Passer les monts Apennins, voir la Gaule:
Transpercera du ciel les eaux & neige:
Et vn chascun frapera de sa gaule.
30 Vn qui les dieux d'Annibal infernaulx
Fera renaistre, effrayeur des humains
Oncq' plus d'horreurs ne plus pire iournaux
Qu'auint viendra par Babel aux Romains.
31 En Campanie Cassilin sera tant
Qu'o ne verra que d'eaux les chaps couuerts
Deuant apres la pluye de long temps
Hors mis les arbres rien l'on verra de vert.
32 Laict, sang, grenoilles escoudre en Dalmatie
Conflit donné, peste pres de Balenne:
Cry sera grand par toute Esclauonie
Lors naistra monstre pres & dedans Rauene.
33 Par le torrent qui descent de Verone
Par lors qu'au Po guindera son entrée,
Vn grand naufraige, & no moins en Garone
Quat ceux de Genes marcherot leur cotrée.
34 L'пre insensée du combat furieux
Fera а table par freres le fer luire
Les despartir mort, blessé, curieux:
Le fier duelle viendra en France nuire.
35 Dans deux logis de nuit le feu prendra,
Plusieurs dedans estoufés & rostis.
Pres de deux fleuues pour seur il auiendra
Sol, l'Arq, & Caper tous seront amortis.
36 Du grand Prophete les letres serot prinses
Entre les mains du tyrant deuiendront:
Frauder son roy seront ses entreprinses,
Mais ses rapines bien tost le troubleront.
37 De ce grand nombre que lon enuoyera
Pour secourir dans le fort assiegés,
Peste & famine tous les deuorera
Hors mis septante qui seront profligés.
38 Des condemnés sera fait vn grand nombre
Quand les monarques seront conciliés:
Mais à l' vn d'eux viendra si malencombre
Que guerres ensemble ne seront raliés.
39 Vn an deuant le conflit Italique,
Germain, Gaulois, Hespagnols pour le fort:
Cherra l'escolle maison de republique,
Ou, hors mis peu, seront suffoqués morrs.
40 Vn peu apres non point longue interualle,
Par mer & terre sera fait grand tumulte,
Beaucoup plus grande sera pugne nauale,
Feus, animaux, qui plus feront d'insulte.
41 La grand' estoile par sept iours bruslera,
Nuée fera deux soleils apparoir:
Le gros mastin toute nuit hurlera
Quand grand pontife changera de terroir.
42 Coq, chiens, & chats de sang seront repeus,
Et de la plaie du tyrant trouué mort,
Au lict d' vun autre iambes & bras rompus,
Qui n'auoit peur mourir de cruel mort.
43 Durant l'estoyle cheuelue apparente,
Les trois gras princes seront fait ennemis,
Frappes du ciel, paix terre tremulente.
Po, Tymbre vndants, serpant sus le bort mis.
44 L'aigle pousée en tour des pauillons
Par autres oyseaux d'entour sera chassée,
Quand bruit des cymbres, tubes & sonnaillo:
Rendront le sens de la dame insensée.
45 Trop le ciel pleure l'Androgyn procreé,
Pres de ce ciel sang humain respandu,
Par mort trop tarde grand peuple recreé
Tard & tost vient le secours attendu.
46 Apres gradtrouble humai, plus grad s'aprest
Le grand mouteur les siecles renouuelle.
Pluie, sang, laict, famine, fer, & peste
Au ciel veu, feu courant longue estincele.
47 L'ennemi grand viel dueil meurt de poison:
Les souuerains par infinis subiuguez.
Pierres plouuoir, cachés sous la toison:
Par mort articles en vain sont allegués.
48 La grand copie que passera les monts.
Saturne en l'Arq tournant du poisson Mars
Venins cachés sous testes de saulmons:
Leurs chief pendu а fil de polemars.
49 Les conseilliers du premier monopole,
Les conquerants seduits pour la Melite:
Rodes, Bisance pour leurs exposant pole:
Terre faudra les poursuiuants de fuite.
50 Quad ceux d'Ainault, de Gad & de Brucelles
Verront а Langres le siege deuant mis
Derrier leurs flancz seront guerres crueles,
La plaie antique sera pis qu'ennemis.
51 Le sang du iuste а Londres fera faute
Bruslés par fouldres de vint trois les six.
La dame antique cherra de place haute:
De mesme secte plusieurs seront occis.
52 Dans plusieurs nuits la terre tremblera:
Sur le prinstemps deux effors suite:
Corynthe, Ephese aux deux mers nagera:
Guerre s'esmeut par deux vaillans de luite.
53 La grande peste de cité maritime
Ne cessera que mort ne soit vengée
Du iuste sang, par pris damne sans crime
De la grand dame par feincte n'outraigée.
54 Par gent estrage, & de Romains loingtaine
Leur grand cité apres eaue fort troublée,
Fille sans main, trop different domaine,
Prins chief, sarreure n'auoir esté riblée.
55 Dans le conflit le grand qui peuvalloyt,
A son dernier fera cas merueilleux:
Pendant qu'Hadrie verra ce qu'il falloyt,
Dans le banquet pongnale l'orguilleux.
56 Que peste & glaiue n'a peu seu definer
Mort dans le puys, sommet du ciel frappé.
L'abbé mourra quand verra ruiner
Ceulx du naufraige l'escueil voulat grapper.
57 Auant conflit le grand mur tombera:
Le grad а mort, mort trop subite & plainte:
Nay imparfaict: la plus part nagera:
Aupres du fleuue de sang la terre tainte.
58 Sans pied ne main par dend ayguл & forte
Par globe au fort deporc & laisné nay:
Pres du portail desloyal se transporte
Silene luit, petit grand emmené.
59 Classe Gauloyse par apuy de grand garde
Du grand Neptune, & ses tridents souldars
Rousgée Prouece pour sostenir grand bade:
Plus Mars Narbon. par iauelotz & dards.
60 La foy Punicque en Orient rompue
Gang. Iud. & Rosne, Loyre, & Tag changeront:
Quand du mulet la faim sera repue,
Classe espargie, sang & corps nageront.
61 Euge, Tamins, Gironde & la Rochele:
O sang Troien! Mars au port de la flesche
Derrier le fleuue au fort mise l'eschele,
Pointes a feu gran meurtre sus la bresche.
62 Mabus puis tost alors mourra, viendra
De gens & bestes vne horrible defaite:
Puis tout а coup la vengence on verra
Cet, main, soif, faim, quad courra la comete.
63 Gaulois, Ausone bien peu subiuguera:
Po, Marne, & Seine fera Perme l' vrie
Qui le grand mur contre eux dressera
Du moindre au mur le grand perdra la vie.
64 Seicher de faim, de soif gent Geneuoise
Espoir prochain viendra au defaillir,
Sur point tremblant sera loy Gebenoise.
Classe au grand port ne se peult acuilir.
65 Le parc enclin grande calamité
Par l'Hesperie & Insubre fera:
Le feu en nef, peste & captiuité:
Mercure en l'Arc Saturne fenera.
66 Par grans dangiers le captif echapé:
Peu de temps grand la fortune changée.
Dans le palais le peuple est atrapé
Par bon augure la cité est assiegée.
67 Le blonde au nez forche viendra cometre
Par le duelle & chassera dehors:
Les exiles dedans fera remetre
Aux lieux marins commetat les plus forts.
68 De l'Aquilon les effors seront grands:
Sus l'Ocean sera la porte ouuerte,
Le regne en l'isle sera reintegrand:
Tremblera Londres par voile descouuerte.
69 Le roy Gauloys par la Celtique dextre
Voiant discorde de la grand Monarchie,
Sus les trois pars fera fleurir son sceptre,
Contre la cappe de la grand Hirarchie.
70 Le dard du ciel fera son extendue
Mors en parlant: grande execution.
La pierre en l'arbre, la fiere gent rendue,
Brut, humain monstre, purge expiation.
71 Les exilés en Secile viendront
Pour deliurer de faim la gent estrange:
Au point du iour les Celtes luy faudront:
La vie demeure а raison: roy se range.
72 Armée Celtique en Italie vexée
De toutes pars conflit & grande perte:
Romains fuis, т Gaule repoulsée,
Pres du Thesin, Rubicon pugne incerte.
73 Au lac Fucin de Benac le riuaige
Prins du Leman au port de l'Orguion:
Nay de troys bras predict belliq image,
Par troys couronnes au grand Endymion.
74 De Sens, d'Autun viendrot iusques au Rosne
Pour passer outre vers les monts Pyrenées:
La gent sortir de la Marque d'Anconne:
Par terre & mer le suiura а grans trainées.
75 La voix ouye de l'insolit oyseau,
Sur le canon du respiral estaige,
Si haut viendra du froment le boisseau,
Que l'home d'home sera Anthropophage.
76 Foudre en Bourgoigne fera cas porteteux,
Que par engin ne pourroit faire
De leur senat sacriste fait boiteux
Fera sauoir aux ennemis l'affaire.
77 Par arcs feuz poix & par feuz repoussés:
Cris, hurlements sur la minuit ouys.
Dedans sont mis par les ramparts cassés
Par cunicules les traditeurs fuis.
78 Le grand Neptune du profond de la mer
De gent Punique & sang Gauloys meslé:
Les Isles а sang, pour le tardif ramer:
Plus luy nuira que l'occult mal celé.
79 La barbe crespe & noire par engin
Subiuguera la gent cruele & fiere.
Le grand CHYREN ostera du longin
Tous les captifs par Seline baniere.
80 Apres conflit du lesé l'eloquence
Par peu de temps se tramme faint repos:
Point l'on n'admet les grands а deliurance,
Les ennemis sont remis а propos.
81 Par feu du ciel la cité presque aduste:
L' Vrne menasse encor Deucalion:
Vexée Sardaigne par la Punique fuste
Apres que Libra lairra son Phaéton.
82 Par faim la proye fera loup prisonnier
L'assaillant lors en extreme detresse.
Le nay aiant au deuant le dernier,
Le grand n'eschappe au milieu de la presse.
83 Le gros trafficq du grand Lyon changé
La plus part tourné en pristine ruine,
Proye aux souldars par pille vendange
Par Iura mont & Sueue bruine.
84 Entre Campaigne, Sienne, Flora, Tuscie
Six moys neufz iours ne plouura vne goute.
L'estrange langue en terre Dalmatie
Courira sus: vastant la terre toute.
85 Le vieux plain barbe sous l'estatut seuere,
A Lyon fait dessus l'Aigle Celtique:
Le petit grand trop outre perseuere:
Bruit d'arme au ciel: mer rouge Lygustique.
86 Naufraige a classe pres d'onde Hadriatique:
La terre esmeuë sus l'air en terre mis:
Egypte tremble augment Mahommetique
L'Herault soy rendre à crier est commis.
87 Apres viendra des extremes contrées
Prince Germain sus le throsne doré:
La seruitude & eaux rencontrées,
La dame serue, son temps plus n'adoré.
88 Le circuit du grand faict ruineux
Le nom septiesme du cinquiesme sera:
D' vn tiers plus grand l'estrange belliqueux.
Monton, Lutece, Aix ne garantira.
89 Du iou seront demis les deux gradz maistres
Leur grand pouuoir se verra augmenté:
La terre neufue sera en ses haults estres:
Au sanguinaire le nombre racompté.
90 Par vie & mort changé regne d'Ongrie:
La loy sera plus aspre que seruice,
Leur grand cité d' vrlemets plaincts & crie:
Castor & Pollux ennemis dans la lyce.
91 Soleil leuant vn grand feulon verra
Bruit & clarté vers Aquilon tendant:
Dedans le rond mort & cris lont orra
Par glaiue, feu, faim, mort les attendants.
92 Feu couleur d'or du ciel en terre veu:
Frappé du hault, nay, fait cas merueilleuz:
Grad meurtre humai: pris du grad le nepueu,
Morts d'expectacles eschappé l'orguilleux.
93 Bien pres du Tymbre presse la Libytine:
Vng peu deuant grand inundation:
Le chef du nef prins, mis a la sentine:
Chasteau, palais en conflagration.
94 GRAN. Po, grad mal pour Gauloys receura,
Vaine terreur au maritin Lyon:
Peuple infini par la mer passera,
Sans eschapper vn quart d' vn milion.
95 Les lieux peuples seront inhabitables:
Pour champs auoir grande diuision:
Regnes liurés a prudents incapables:
Lors les grands freres mort & di ssension.
96 Flambeau ardent au ciel soir sera veu
Pres de la fin & principe du Rosne:
Famine, glaiue: tard le secours pourueu,
La Perse tourne enuahir Macedoine.
97 Romain Pontife garde de t'approcher
De la cité qui deux fleuues arrouse,
Ton sang viendras au pres de la cracher,
Toy & les tiens quandfleurira la rose.
98 Celuy du sang resperse le visaige
De la victime proche sacrifiée:
Tonant en Leo augure par presaige:
Mis estre à mort lors pour la fiancée.
99 Terroir Romain qu'interpretoit augure,
Par gent Gauloyse sera par trop vexée:
Mais nation Celtique craindra l'heure,
Boreas, classe trop loing l'auoir poussée.
100 Dedans les isles si horrible tumulte,
Rien on n'orra qu' vne bellique brigue,
Tant grand sera des predateurs l'insulte,
Qu'on se viendra ranger à la grand ligue.
P R O P H E T I E S
D E
M: N O S T R A D A M V S.
