Les Propheties Wiki

1:1

Estant assis de nuict secret estude,
Seul reposé sur la selle d'aerain:
Flambe exigue sortant de Solitude,
Fait prosperer qui n'est à croire vain.

1:2

La vierge en main mise au milieu de Branches
De l'onde il moulle et le limbe et le pied:
Un peur et voix fremissent par les manches:
Splendeur divine. Le divin pres s'assied.

1:3

Quand la lictiere du tourbillon versee,
Et seront faces de leurs manteaux convers,
La republique par gens nouveaux vexee,
Lors blancs et rouges jugeront a l'envers.

1:4

Par l'univers sera faict un monarque,
Qu'en paix et vie ne sera longuement:
Lors se perdra la piscature barque,
Sera regie en plus grand detriment.

1:5

Chassez seront pour faire long combat,
Par les pays seront plus fort grevez:
Bourg et cité auront plus grand debat.
Carcas. Narbonne auront coeur esprouvez.

1:6

L'oeil de Ravenne sera destitué,
Quand à ses pieds les aisles failliront:
Les Deux de Bresse auront constitué,
Turin, Verseil que Gaulois fouleront.

1:7

Tard arrivé l'execution faicte,
Le vent contraire lettres au chemin prinses:
Les conjurez XIIII. d'une secte,
Par le Rousseau semez les entreprinses.

1:8

Combien de fois prinse cité Solaire
Seras changeant ses loix barbares et vaines:
Ton mal s'approche. Plus seras tributaire,
Le grand Hadrie recourira des veines.

1:9

De l'Orient viendra le coeur Punique
Fascher Hadrie, et les hoirs Romulides,
Acompagne de la classe Libyque,
Temples Melites et proches Isles vuides.

1:10

Serpens transmis en la cage de fer,
Ou les enfans septains du Roy sont pris:
Les vieux et peres sortirons bas de l'enfer,
Ains mourir voir de fruict mort et cris.

1:11

Le mouvement de sens, coeur pieds et mains,
Seront d'accord. Naples, Lyon , Sicile.
Glaves, feux, eaux, puis aux nobles Romains,
Plongez, tuez, morts par cerveau debile.

1:12

Dans peu dira fauce brute fragile
De bas en haut eslevé promptement:
Puis en istant desloyale et labile,
Qui de Veronne aura gouvernement.

1:13

Les exilez par ire, haine intestine,
Feront au Roy grand conjuration:
Secret mettront ennemis par la mine,
Et ses vieux siens contre eux sedition.

1:14

De gent esclave chansons, chants et requestes,
Captifs par Princes et Seigneurs aux prisons:
A l'advenir par idiots sans testes,
Seront receus par divines oraisons.

1:15

Mars nous menace par sa force bellique,
Septante fois fera le sang espandre:
Auge et ruyne de l'Ecclesiastique
Et plus ceux qui d'eux rien voudront entendre.

1:16

Faux a l'estang joinct vers le Sagittaire,
En son haut AUGE de l'exaltation,
Peste, famine, mort de main militaire,
Le siecle approche de renovation.

1:17

Par quarante ans l'Iris n'apparoistra,
Par quarante ans tous les jours sera veu:
La terre aride en siccité croistra,
Et grands deluges quand sera apperceu.

1:18

Par la discorde Negligence Gauloise,
Sera passage a Mahommet ouvert:
De sang trempé la terre et mer Senoise,
Le port Phocen de voilles et nefs convert.

1:19

Lors que serpens viendront circuir l'are
Le sang Troyen vexé par les Espaignes:
Par eux grand nombre en sera faicte tare
Chef fruict, caché aux mares dans les saignes.

1:20

Tours, Oriens, Blois, Angers, Reims et Nantes,
Cités vexees par subit changement.
Par langues estranges seront tendues tentes,
Fleuves, dards Rones terre et mer tremblement.

1:21

Profonde argille blanche nourrit rocher,
Qui d'un abysme istra lacticineuse,
En vain troublez ne l'oseront toucher,
Ignorant estre au fond terre argilleuse.

1:22

Ce que vivra et n'ayant ancien sens,
Viendra leser a mort son artifice:
Austun, Chalan, Langres, et les Deux Sens,
La gresle et glace fera grand malefice.

1:23

Au mois troisiesme se levant le Soleil,
Sanglier, Liepard, au champ Mars pour combattre
Liepard laissé au ciel estend son oeil,
Un Aigle autour du Soleil voit s'esbattre.

1:24

A cité neuve pensif pour condamner,
L'oisel de proye au ciel se vient offrir:
Apres victoire a captif pardonner,
Cremone et Mantoue grands maux aura souffert.

1:25

Perdu trouvé caché de si long siecle,
Sera pasteur demy Dieu honnore:
Ains que la Lune acheve son grand siecle,
Par autres vents sera deshonnoré.

1:26

Le grand du fouldre tumbe d'heure diurne,
Mal, et predict par porteur postulaire:
Suivant presage tumbe de l'heure nocturne,
Conflict Reims, Londres, Etrusque pestifere.

1:27

Dessouz le chaine Guien du ciel frappé,
Non loing de la est caché le tresor:
Qui par longs siecles avoit esté grappé,
Trouve mourra, l'oeil crevé de ressort.

1:28

La tour de Boucq craindra fuste Barbare,
Un temps, long temps apres barque hesperique:
Bestail, gens, meubles, tous Deux feront grand tare,
Taurus, et Libra, quelle mortelle picque?

1:29

Quand la poisson terrestre et aquatique
Par forte vague au gravier sera mis,
Sa forme estrange sauve et horrifique,
Par mer aux mures bien tost les ennemis.

1:30

La nef estrange par le tourment marin,
Abourdera pres de port incogneu:
Nonobstant signes de rameau palmerin,
Apres mort pille bon avis tard venu.

1:31

Tant d'ans les guerres en Gaule dureront,
Outre la course du Castulon monarque:
Victoire incerte trois grands couronneront,
Aigle, coq,Lune, Lyon , Soleil en marque.

1:32

Le grand Empire sera tost translaté
En lieu petit, qui bien tost viendra croistre,
Lieu bien infime d'exigue comté,
Oa` au milieu viendra poser son sceptre.

1:33

Pres d'un grand pont de plaine spatieuse,
Le grand Lyon par forces Cesarees,
Fera abbattre hors cité rigoureuse,
Par effray portes luy seront reserees.

1:34

L'oyseau de proye volant a la semestre,
Avant conflict faict aux Frana§ois pareure:
L'un bon prendra, l'un ambigue sinistre,
La partie foible tiendra par bon augure.

1:35

Le Lyon jeune le vieux surmontera,
En champ bellique par singulier duelle:
Dans cage d'or les yeux luy crevera,
Deux classes une, puis mourir, mort cruelle.

1:36

Tard le monarque se viendra repentir,
De n'avoir mis a mort son adversaire:
Mais viendra bien a plus haut consentir,
Que tout son sang par mort fera deffaire.

1:37

Un peu devant que le Soleil s'excuse,
Conflict donné, grand peuple dubiteux:
Profliges, port marin ne faict response,
Pont et sepulchre en Deux estranges lieux.

1:38

Le Sol et l'Aigle au victeur paroistront,
Response vaine au vaincu l'on asseure:
Par cor ne cris harnois n'arresteront,
Vindicte paix par mors si acheve a l'heure.

1:39

De nuict dans lict le supresme estrangle,
Pour trop avoir sejourné blond esleu.
Par trois l'Empire subrogé exanche,
A mort mettra carte, et pacquet ne leu.

1:40

La trombe fausse dissimulant folie,
Fera Bisance un changement de loix,
Histra d'Egypte, qui veut que l'on deslie
Edict changeant monnoyes et aloys.

1:41

Siege en cité est de nuict assallie,
Peu eschappés, non loin de mer conflict:
Femme de joye, retours fils defaillie,
Poison et lettres cachees dans le plic.

1:42

Le dix Kalende d'Avril de faict Gothique,
Resuscité encor par gens malins:
Le feu estainct, assemble diabolique,
Cherchant les os du d'Amant et Pselin.

1:43

Avant qu'advienne le changement d'Empire,
Il adviendra un cas bien merveilleux:
Le camp mué, le pillier de paphire,
Mis translaté sur le rocher noilleux.

1:44

En bref seront de retour sacrifices,
Contreuenans seront mis a martyre:
Plus ne seront moines, abbez, ne novices,
Le miel sera beaucoup plus cher que cire.

1:45

Secteur de sectes grand peine au delateur,
Beste en theatre dressé le jeu scenique,
Du faict antique ennobly l'inventeur,
Par sectes monde confus et schismatique.


1:46

Tout apres d'Aux, de Lestore et Mirande
Grand feu du ciel en trois nuicts tumbera:
Cause adviendra bien stupende et mirande,
Bien peu apres la terre tremblera.

1:47

Du lac Leman les sermons fascheront,
Les jours seront reduicts par les sepmaines,
Puis mois, puis an, puis tous deffailliront,
Les Magistrats damneront leurs loix vaines.

1:48

Vingt ans du regne de la Lune passez,
Sept mil and autre tiendra sa monarchie:
Quand le Soleil prendra ses jours lassez:
Lors accomplit et mine ma prophetie.

1:49

Baucoup avant telles menees,
Ceux d'orient par la vertu lunaire:
L'an mil sept cens feront grands emmenees,
Subjugant presque le coing Aquilonaire.

1:50

De l'aquatique triplicité naistra,
D'un qui fera le jeudy pour sa feste:
Son bruit, loz, regne, sa puissance croistra,
Par terre et mer aux Oriens tempeste.

1:51

Chef d'Aries, Jupiter , et Saturne,
Dieu eternel quelles mutations?
Puis par long siecle son maling temps retourne
Gaule et Italie, quelles esmotions?

1:52

Les Deux malins de Scorpion conjoinct,
Le grand Seigneur meutri dedans sa salle:
Peste a l'Eglise par le nouveau roy joinct,
L'Europe basse et Septentrionale.

1:53

Las qu'on verra grand peuple tourmenté,
Et la loy saincte en totale ruine,
Par autres loix toute la Chrestienté,
Quand d'or d'argent trouve nouvelle mine.

1:54

Deux revolts faicte du maling falcigere,
De regne et siecles faict permutation:
Le mobil signe a son endroit si ingere,
Aux Deux egaux et d'inclination.

1:55

Soubs l'opposite climat Babylonique,
Grand sera de sang effusion,
Que terre et mer, air, ciel sera inique,
Sectes, faim, regnes pestes, confusion.

1:56

Vous verrez tost et tard taire grand change,
Horreurs extremes et vindications:
Que si la Lune conduite par son ange,
Le ciel s'approche des inclinations.

1:57

Par grand discord la trombe tremblera,
Accord rompu dressant la teste au ciel,
Bouche sanglante dans le sang nagera,
Au Sol la face ointe de laict et miel.

1:58

Tranché le ventre naistra avec Deux testes,
Et quatre bras: quelques ans entiers vivra
Jour qui Alquiloye celebrera ses festes,
Fossen, Turin, chef Ferrare suyvra.

1:59

Les exilez deportez dans les isles,
Au changement d'un plus cruel monarque
Seront meurtris: et mis Deux les scintiles,
Qui de parler ne seront estez parques.

1:60

Un Empereur naistra pres d'Italie,
Qui a l'Empire sera vendu bien cher:
Diront avec quels gens il se ralie,
Qu'on trouvera moins prince que boucher.

1:61

La republique miserable infelice
Sera vastee du nouveau magistrat:
Leur grand amus de l'exil malefice
Fera Sueve ravir leur grand contracts.

1:62

La grande perte las que feront les lettres,
Avant le cycle de Latona parfaict:
Feu grand deluge plus par ignares sceptres,
Que de long siecle ne se verra refaict.

1:63

Les fleurs passees diminue le monde,
Long temps la paix terres inhabitees:
Seur marchera par ciel, serre, mer et onde,
Puis de nouveau les guerres suscitees.

1:64

De nuict Soleil penseront avoir veu.
Quand le pourceau demy-homme on verra:
Bruict chant, bataille au ciel battre apperceu,
Et bestes brutes a parler lon orra.

1:65

Enfant sans mains jamais veu si grand faudre,
L'enfant Royal au feu d'oesteuf blessé:
Au puy brises fulgures allant mouldre,
trois souz les chaines par le milieu troussés.

1:66

Celuy qui lors portera les nouvelles
Apres un peu il viendra respirer,
Viviers, Tournon, Montferrand et Pradelles,
Gresle et tempestes le fera soupirer.

1:67

La grand famine que je sens approcher,
Souvent tourner, puis estre universelle:
Si grande et longue qu'un viendra arracher
Du bois racine, et l'enfant de mamelle.

1:68

O quel horrible et malheureux tourment,
trois innocens qu'on viendra a livrer
Poison suspecte, mal gardé tradiment.
Mis en horreur par bourreaux enyvrez.

1:69

La grand montaigne ronde de sept stades,
Apres paix, guerre, faim, innondation,
Roulera loin abismant grands contrades,
Mesmes antiques, et grand fondation.

1:70

Pluy, faim, guerre en Perse non cessee,
La foy trop grand trahira le monarque:
Par la finie en Gaule commencee,
Secret augure pour a un estre parque.

1:71

La tour marine troys foys prise et reprise,
Par Hespagnols, Barbares, Ligurins:
Marseille et Aix, Arles par ceux de Pise,
Vast, feu, fer pillé Avignon des Thurins.

1:72

Du tout Marseille des habitans changee,
Course et poursuite jusqu'au pres de Lyon ,
Nalbon, Tholoze par Bourdeaux outragee,
Tuez captifs presque d'un million.

1:73

France a cinq pars par neglect assaillie,
Tunys, Argel esmuez par Persiens:
Leon, Seville, Barcelonne faillie,
N'aura la classe par les Venetiens.

1:74

Apres sejourné vogueront en Epire,
Le grand secours viendra vers Anthoche.
Le noir poil crespe tendra fort a l'Empire,
Barbe d'aerain se roustira en broche.

1:75

Le tyran Sienne occupera Savone,
Le fort gaigné tiendra classe marine:
Les Deux armees par la marque d'Ancomme,
Par effrayeur le chef s'en examine.

1:76

D'un nom farouche tel proferé sera,
Que les trois soeurs auront fato le nom:
Puis grand peuple par langue et faict dira
Plus que nul autre aura bruit et renom.

1:77

Entre Deux mers dressera promontaire,
Que plus mourra par le mords du cheval:
Le sien Neptune pliera voille noire,
Par Calpre et classe aupres de Rocheval.

1:78

D'vn chef vieillard naistra sens hebeté,
Degenerant par savoir et par armes:
Le chef de France par sa soeur redouté,
Champs divisez, concedez aux gendarmes.

1:79

Bazaz, Lestore, Condon, Ausch, Agine,
Esmens par loix, querelle et monopole:
Car Bourd. Toulouze, Bay mettra en ruine:
Renouveller voulant leur tauropole.

1:80

De la sixieme claire splendeur celeste,
Viendra tonner si fort en la Bourgongne,
Puis naistra monstre de treshideuse beste:
Mars, Avril, May, Juin, grand charpin et rongne.

1:81

D'humain troupeau neuf seront mis a part,
De jugement et conseil separez:
Leur sort sera divisé en depart,
Kappa, Thita, Lamda mors bannis esgarez.

1:82

Quand les colomnes de bois grande tremblee,
D'Auster conduicte, couverte de rubriche:
Tant vuidera dehors grand assemblee,
Trembler Vienne et le Pays d'Austriche.

1:83

La gent estrange divisera butins,
Saturne en Mars son regard furieux:
Horrible estrange aux Tosquans et Latins,
Grecs qui seront a frapper curieux.

1:84

Lune obscurcie aux profondes tenebres,
Son frere passe de couleur ferrugine:
Le grand caché long temps soubs les tenebres,
Tiedera fer dans la playe sanguine.

1:85

Par la response de dame Roy troublé,
Ambassadeurs mespriseront leur vie:
Le grand ses freres contrefera doublé,
Par Deux mourront ire, haine, envie.

1:86

La grande Royne quand se verra vaincue,
Fera excés de masculin courage,
Sur cheval, fleuve passera toute nue,
Suite par fer: a foy fera outrage.

1:87

Ennosigee feu du centre de terre,
Fera trembler autour de cité neufue
Deux grands rochiers long temps feront la guerre,
Puis Arethuse rougira nouveau fleuve.

1:88

Le divin mal surprendra le grand Prince,
Un peu devant aura femme espousee,
Son appuy et credit a un coup viendra mince,
Conseil mourra pour la teste rasee.

1:89

Tous ceux de Ilerde ne seront dans la Moselle,
Mettant a mort tous ceux de Loire et Seine:
Le cours marin viendra pres d'haute velle,
Quand Espagnols ouvrira toute veine.

1:90

Bourdeaux, Poitiers au son de la campane,
A grande classe ira jusqu'a l'Angon,
Contre Gaulois sera leur tramontane,
Quand monstre hiDeux naistra pres de Orgon.

1:91

Les Dieux feront aux humains apparence,
Ce qu'il seront auteurs de grand conflict:
Avant ciel veu serein espee et lance,
Que vers main gauche sera plus grand afflict.

1:92

Souz un la paix par tout sera clamee,
Mais non long temps pille, et rebellion,
Par refus ville, terre et mer entamee,
Mors et captifs le tiers d'un million.

1:93

Terre Italique pres monts tremblera,
Lyon et coq non trop confederez,
En lieu de peur l'un l'autre s'aidera,
Seul Catulon et Celtes moderez.

1:94

Au port Selin le tyran mis a mort,
La liberté non pourtant recouvree:
Le nouveau Marc par vindicte et remort,
Dame par force de frayeur honnoree.

1:95

Devant moustier trouvé enfant besson,
D'heroic sang de moine et vetustique:
Son bruit par secte langue et puissance son,
Qu'on dira fort eslevé le vopisque.

1:96

Celuy qu'aura la charge de destruire
Templus, et sectes, changez par fantasie:
Plus au rochiers qu'aux vivans viendra nuire,
Par langue ornee d'oreilles ressasie.

1:97

Ce que fer, flamme n'a sceu parachever,
La douce langue au conseil viendra faire:
Par repos, songe, le Roy fera resver,
Plus l'ennemy en feu, sang militaire.

1:98

Le chef qu'aura conduit peuple infiny
Loing de son ciel, de meurs et langue estrange,
Cinq mil en Crete et Thessalie finy,
Le chef fuyant sauvé en marine grange.

1:99

Le grand monarque que fera compagnie
Avec Deux Roys unis par amitié:
O quel soupir fera la grand mesgnie,
Enfans Narbon a l'entour quel pitié.

1:100

Long temps au ciel sera veu gris oyseau,
Aupres de Dole et de Touscane terre:
Tenant au bec un verdoyant rameau,
Mourra tost grand et finera la guerre.

2:1

Vers Aquitaine par insuls Britanniques
De par eux mesmes grands incursions
Pluyes, gelees feront terroirs iniques,
Port Selyn fortes fera invasions.

2:2

La teste bleu fera la teste blanche
Autant de mal, que France a faict leur bien:
Mort a l'anthene, grand pendu sus la branche,
Quand prins des siens le Roy dira combien.

2:3

Pour la chaleur Solaire sus la mer,
De Negrepont les poissons demy cuits:
Les habitans viendront entamer,
Quand Rhod et Gannes leur faudra le biscuit.

2:4

Depuis Monach jusque aupres de Sicile,
Toute la plage demourra desolee:
Il n'y aura fauxbourg, cité, ne ville,
Que par Barbares pillé soit et vollee.

2:5

Qu'en dans poisson, fer et lettres enfermee,
Hors sortira qui puis fera la guerre,
Aura par mer sa classe bien ramee,
Apparoissant pres de Latine terre.

2:6

Aupres des portes et dedans Deux cités
Seront Deux fleaux, et oncques n'apperceu un tel,
Faim, dedans peste, de fer hors gens boutés,
Crier secours au grand Dieu immortel.

2:7

Entre plusieurs aux isles deportés,
L'un estre nay a Deux dents en la gorge
Mourront de faim les arbres esbrotés,
Pour eux neuf Roy, nouvel edict leur forge.

2:8

Temples sacrez prime facon Romaine,
Rejecteront les goffres fondements,
Prenant leurs loix premieres et humaines,
Chassant non tout des saincts les cultements.

2:9

Neuf ans le regne le maigre en paix tiendra,
Puis il cherra en soif si sanguinaire,
Pour luy peuple sans foy et loy mourra
Tué un beaucoup plus debonnaire.

2:10

Avant long temps le tout sera rangé,
Nous esperons un siecle bien senestre,
L'estat des masques et des seuls bien changé.
Peu trouveront qu'a son rang vueille estre.

2:11

Le prochain fils de l'aisnier parviendra
Tant eslevé jusque au regne des fors:
Son aspre gloire un chacun la craindra,
Mais ses enfans du regne gettez dehors.

2:12

Yeux, clos, ouverts d'antique fantasie,
L'habit des seuls seront mis a neant:
Le grand monarque chastiera leur frenaisie,
Ravir des temples le tresor par devant.

2:13

Le corps sans ame plus n'estre en sacrifice,
Jour de la mort mis en nativité:
L'esprit divin fera l'ame felice,
Voyant le verbe en son eternité.

2:14

A Tours, Gien, gardé seront yeux penetrans,
Descouvriront de loing la grand seraine:
Elle et sa suitte au port seront entrans,
Combat, poussez, puissance souveraine.

2:15

Un peu devant monarque trucidé?
Castor Pollux en nef, astre crinite:
L'erain public par terre et mer vuidé,
Pise, Ast, Ferrare, Turin terre interdicte.

2:16

Naples, Palerme, Sicille, Syracuses,
Nouveaux tyrans, fulgures feux celestes:
Force de Londres, Gand, Bruxelles et Suses,
Grand hecatombe, triomphe faire festes.

2:17

Le champ du temple de la vierge vestale,
Non esloigné d'Ethne et monts Pyrenees:
Le grand conduict est caché dans la male,
North getez fleuves et vignes mastinees.

2:18

Novelle et pluye subite, impeteuse,
Empechera subit Deux excercites.
Pierre ciel, feux faire la mere pierreuse,
La mort de sept terre et marin subites.

2:19

Nouveaux Venus lieu basty sans defence,
Occuper la place par lors inhabitable:
Pres, maisons, champs, villes, prendre a plaisance,
Faim, Peste, guerre, arpen long labourable.

2:20

Freres et soeurs en divers lieux captifs,
Se trouveront passer pres du monaique:
Les comtempler ses rameaux ententifs.
Desplaisant voir menton front, nez, les marques.

2:21

L'ambassadeur envoyé par biremes,
A my chemin d'incogneus repoulsez:
De sel renfort viendront quatre triremes,
Cordes et chaines en Negre pont troussez.

2:22

Le camp Ascap d'Europe partira,
S'adjoignant proche de l'Isle submergee:
D'Arton classe phalange pliera,
Nombril du monde plus grand voix subrogee:

2:23

Palais, oyseaux, par oyseau deschassé,
Bien tost apres le prince parvenu:
Combien que hors fleuve ennemy repoulsé,
Dehors sousi trait d'oyseau soustenu.

2:24

Bestes farouches de faim fleuves tranner;
Plus part du champ encontre Hister sera,
En cage de fer le grand fera treisner,
Quand rien enfant de Germain observera.

2:25

La garde estrange trahira forteresse,
Espoir et umbre de plus hault mariage:
Garde dea§eue, fort prinse dans la presse,
Loire, Son, Rosne, Gar, a mort oultrage.

2:26

Pour la faveur que la cité fera,
Au grand qui tost prendra camp de bataille,
Puis le rang Pau Thesin versera,
De sang, feux mors noyés de coup de taille.

2:27

Le divin verbe sera du ciel frappé,
Qui ne pourra proceder plus avant:
Du reserant le secret estoupé,
Qu'on marchera par dessus et devant.

2:28

Le penultiesme du surnom du Prophete,
Prendra Diane pour son jour et repos:
Loing vaguera par frenetique teste,
Et delivrant un grand peuple d'impos.

2:29

L'Oriental sorrira de son siege,
Passer les monts Apennins voir la Gaule:
Transpercera le ciel, les eaux et neige,
Et un chacun frappera de sa gaule.

2:30

Un qui les dieux d'Annibal infernaux,
Fera renaistre, effrayeur des humains:
Oncq' plus d'horreur ne plus dire journaulx,
Qu'avint viendra par Babel aux Romains.

2:31

En Campanie le Cassilin fera tant,
Qu'on ne verra que d'aux des champs couvers:
Devantapres la pluye de long temps,
Hors mis les arbres rien l'on verra de vert.

2:32

Laict, sant grenouilles escoudre en Dalmatie.
Conflict donné peste pres de Balennes:
Cry sera grand par toute Esclavonie,
Lors naistra monstre pres et dedans Ravenne.

2:33

Par le torrent qui descent de Veronne,
Par lors qu'au Pau guidera son entree.
Un grand naufrage, et non moins en Garonne,
Quand ceux de Gennes marcheront leur contree.

2:34

L'ire insensee du combat furieux,
Fera a table par freres le fer luire:
Les despartir blessé, curieux,
Le fier duelle viendra en France nuire.

2:35

Dans Deux logis de nuict la feu prendra,
Plusieurs dedans estouffes et rostis.
Pres de Deux fleuves pour seul il adviendra:
Sol, l'Arq, et Caper tous seront amortis.

2:36

Du grand Prophete les lettres seront prinses,
Entre les mains du tyran deviendront:
Frauder son Roy seront ses entreprinses,
Mais ses rapines bien tost le troubleront.

2:37

De ce grand nombre que l'on envoyera,
Pour secourir dans le fort assiegez,
Peste et famine tous les devorera,
Hors mis septante qui seront profligez.

2:38

Des condamnez sera fait un grand nombre,
Quand les monarques seront conciliez:
Mais l'un d'eux viendra si malencombre,
Que guerre ensemble: ne seront reliez.

2:39

Un an devant le conflict Italique,
Germains, Gaulois, Hespaignols pour le fort:
Cherra l'escolle maison de republique,
Oa`, hors mis peu, seront suffoqué mors.

2:40

Un peu apres non point longue intervalle,
Par mer et terre sera faict grand tumulte:
Beaucoup plus grande sera pugne navalle,
Feux, animaux, qui feront plus d'insulte.

2:41

La grand estoille par sept jours bruslera,
Nuee fera Deux Soleils apparoir:
Le gros mastin fera toute nuict hurlera,
Quand grand pontife changera de terroir.

2:42

Coq, chiens et chats de sang seront repeus,
Et de la playe du tyran trouvé mort,
Au lict d'un autre jambes et bras rompus,
Qui n'avait peur de mourir de cruelle mort.

2:43

Durant l'estoille chevelue apparente,
Les trois grans princes seront faits ennemis:
Frappés du ciel paix terre tremulante,
Pau, Timbre undans, serpent sur le bort mis.

2:44

L'Aigle pousee entour de pavillions,
Par autres oyseaux d'entour sera chassee:
Quand bruit des cymbres tube et sonnaillons
Rendont le sens de la dame insensee.

2:45

Trop le ciel pleure l'Androgin procree,
Pres du ciel sang humain respondu:
Par mort trop tard grand peuple recree,
Tard et tost vient le secours attendu.

2:46

Apres grand troche humaine plus grand s'appreste
Le grand moteur des siecles renouvelle:
Pluye sang, laict,famine, fer et peste,
Au ciel veu feu, courant long estincelle.

2:47

L'ennemy grand vieil dueil meurt de poison,
Les souverains par infiniz subiuguez:
Pierres plouvoir, cachez soubz la foison,
Par mort articles en vain sont alleguez.

2:48

La grand copie qui passera les monts.
Saturne en l'Arq tournant du poisson Mars:
Venins caches soubs testes de saulmons,
Leur chef pendu a fil de poleMars.

2:49

Les conseilleurs du premier monopole.
Les conquerants seduits par la Melite,
Rodes, Bisance pour leurs exposant pole.
Terre faudra les poursuivans de suite.

2:50

Quaўd ceux d'Hainault, de Gand et de Bruxelles,
Verront a Langres le siege devant mis:
Derrier leurs flancs seront guerres cruelles
La playe antique fera pis qu'ennemis.

2:51

Le sang du juste a Londres fera faulte,
Bruslés par fouldres de vingt trois les six:
La dame antique cherra de place haute,
Des mesme secte plusieurs seront occis.

2:52

Dans plusieurs nuicts la terre tremblera:
Sur le printemps Deux effors suite:
Corinthe, Ephere aux Deux mers nagera,
Guerre s'esmeut par Deux vaillans de luit.

2:53

La grande peste de cité maritime,
Ne cessera que mort ne soit vengee
Du iuste sang par pris damné sans crime,
De la grand dame par feincte n'outragee.

2:54

Par gent estrange, et Romains lointaine,
Leur grand cité apres eaue fort troublee:
Fille sans trop different domaine,
Prins chef, ferreure n'avoir esté riblee.

2:55

Dans le conflict le grand qui peut valloit.
A son dernier fera cas merveilleux.
Pendant qu'Hadrie verra ce qu'il falloit,
Dans le banquet pongnale l'orgueilleux.

2:56

Que peste et glaive n'a sceu definer,
Mort dans le puys sommet du ciel frappé:
L'abbé mourra quand verra ruiner,
Ceux du naufraige l'escueil voulant grapper.

2:57

Avant conflict le grand tombera,
Le grand a mort, mort, trop subite et plainte,
Nay imparfaict la plus part nagera,
Aupres du fleuve de sang la terre tainte.

2:58

Sans pied ne main dend aygua« et forte,
Par globe au fort de port & lainé nay:
Pres du portail desloyal transporte,
Silene luit, petit, grand emmené.

2:59

Classe Gauloise par appuy de grande garde,
Du grand Neptune, et ses tridens souldars.
Rongee Provence pour soustenir grand bande:
Plus Mars Narbon, par javelots et dards.

2:60

La foy Punicque en Orient rompue.
Grand Jud, et Rosne Loyre et Tag changeront:
Quand du mulet la faim sera repue,
Classe espargie, sang et corps nageront.

2:61

Enge, Tamins, Gironde et la Rochele,
O sang Troyen Mort ay port de la flesche
Derrier le fleuve au fort mise l'eschele,
Pointes feu grand meutre sur la bresche.

2:62

Mabus puis tost alors mourra, viendra,
De gens et bestes une horrible defaite:
Puis tout a coup la vengeance on verra,
Cent, main, soif, faim, quand courra la comete.

2:63

Gaulois, Ausone bien peu subjugera,
Par, Marne et Seine fera Perme l'vrie:
Qui le grand mur contre eux dressera,
Du moindre au mur le grand perdra la vie.

2:64

Seicher de faim, de soif, gent Genevoise,
Espoir prochain viendra au defaillir:
Sur point tremblant sera loy Gebenoise,
Classe au grand port ne se peut accuillir.

2:65

Le parc enclin grande calamité,
Par l'Hesperie et Insubre fera:
Le feu en nef peste et captivité,
Mercure en l'Arc Saturne fenera.

2:66

Par grans dangiers le captif eschapé,
Peu de temps grand a fortune changee:
Dans le palais le peuple est attrapé,
Par bon augure la cité assiegee.

2:67

Le blonde au nez forchu viendra commettre,
Par la duelle et chassera dehors:
Les exilés dedans fera remettre,
Aux lieux marins commettant les plus fors.

2:68

De l'Aquilon les efforts seront grands:
Sus l'Ocean sera la porte ouverte:
Le regne en l'Isle sera reintegrand,
Tremblera Londres par voille descouverte.

2:69

Le Roy Gaulois par la Celtique dextre,
Voyant discorde de la grand Monarchie:
Sus les trois parts fera florir son sceptre,
Contre la Cappe de la grand Hierarchie.

2:70

Le dard du ciel fera son estendre,
Mors en parlant grande execution:
La pierre en l'arbre la fiere gent rendue,
Bruit humain monstre purge expiation.

2:71

Les exilés en Sicile viendront,
Pour delivrer de faim la gent estrange:
Au point du jour les Celtes lui faudront
La vie demeure a raison: Roi se range.

2:72

Armee Celtique en Italie vexee,
De toutes pars conflict et grande peste:
Romains fuis, aґ Gaule repoulsée,
Pres du Thesin Rubicon pugne incerte.

2:73

Au lac Fucin de Benac le rivage,
Prins de Leman au port de l'Orguion:
Nay de trois bras predict bellique image,
Par trois couronnes au grand Endymion.

2:74

De Sens, D'Autun viendront jusques au Rosne,
Pour passer outre vers les monts Pyrenees:
La gent sortir de la marque d'Anconne,
Par terre et mer suivra a grans trainees.

2:75

La voix ouye de l'insolit oyseau,
Sur le carron de respiral estage:
Si hault viendra du froment le boisseau
Que l'homme d'homme sera Antropophage.



2:76

Foudre en Bourgongne fera cas portenteux.
Que par engin oncques ne pourrait faire,
De leur senat sacriste fait boiteux,
Fera scavoir aux ennemis l'affaire.

2:77

Par arcs, feux, poix et par feux repoussés,
Cris hurlements sur la minuit ouys:
Dedans sont mis par les remparts cassez,
Par cunicules les traditeurs fuys.

2:78

Le grand Neptune du profond de la mer,
De gent Punique et sang Gaulois meslé:
Les isles a sang pour le tardif ramer,
Puis luy nuira que l'occult mal celé.

2:79

La barbe crespe et noire par engin,
Subjugera la gent cruelle et fiere:
Le grand CHIREN ostera du longin.
Tous les captifs par Seline barriere.

2:80

Apres le conflict du lesé l'eloquence,
Par peu de temps se trame faint repas.
Point l'on n'admet les grands a delivrance,
Des ennemis sont remis a propos.

2:81

Par feu du ciel la cité presque aduste,
L'urne menace encor Ceucalion,
Vexee Sardaigne par la Punique fuste,
Apres que Libra lairra son Phaeton.

2:82

Par faim la proye fera loup prisonnier,
L'assaillant lors en extreme detresse.
Le nay ayant au devant le dernier,
Le grand n'eschappe au milieu de la presse.

2:83

Le gros traffic d'un grand Lyon changé,
La plus part tourne en pristine ruine,
Proye aux Soldats par pille vendangé:
Par Jura mont et Sueve bruine.

2:84

Entre Campaigne, Sienne, Flora, Tustie,
Six mois neuf jours ne ploura une goutte:
L'estrange langue en terre Dalmatie,
Courira sus, vastant la terre toute.

2:85

Le vieux plein barbe soubs le statut severe,
A Lyon faict dessus l'Aigle Celtique,
Le petit grand trop autre persevere,
Bruit d'arme au ciel: mer rouge Ligustique.

2:86

Naufrage a classe pres d'onde Hadriatique,
La terre tremble esmeaјe sus l'air en terre mis:
Egypte tremble augment Mahometique,
L'Herault soy rendre a crier est commis.

2:87

Apres viendra des extremes contrees,
Prince Germain, dessus le throsne doré:
La servitude et eaux rencontrees,
La dame serve, son temps plus n'adoré.

2:88

Le circuit du grand faict ruineux,
Le nom septiesme du cinquiesme sera:
D'un tiers plus grand l'estrange belliqueux:
Mouton, Lutece, Aix ne garantira.

2:89

Un jour seront demis les Deux grands maistres,
Leur grand pouvoir se verra augmenté:
La terre neufue sera en ses hauts estres,
Au sanguinaire le nombre racompté.

2:90

Par vie et mort changé regne d'Ongrie,
La loy sera plus aspre que service:
Leur grand cité d'hurlemens plaincts et crie,
Castor et Pollux ennemis dans la lice.

2:91

Soleil levant un grand feu l'on verra,
Bruit et clarté vers Aquilon tendants:
Dedans le rond mort et cris l'on orra,
Par glaive, feu, faim, mort les attendants.

2:92

Feu couleur d'or du ciel en terre veu,
Frappé du haut nay, faict cas merveilleux.
Grand meutre humain: prinse du grand le nepveu,
Morte d'expectacles eschappé l'orgueilleux.

2:93

Bien pres du Tymbre presse la Lybitine,
Un peu devant grand inondation:
Le chef du nef prins, mis a la sentine,
Chasteau, palais en conflagration.

2:94

GRAND Pau, grand mal pour Gaulois recevra,
Vaine terreur du maritin Lyon :
Peuple infini par la mer passera,
Sans eschapper un quart d'un million:

2:95

Les lieux peuplez seront inhabitables:
Pour champs avoir grande division:
Regnes livrez a prudents incapables,
Lors les grands freres mort et dissention.

2:96

Flambeau ardent au ciel soir sera veu,
Pres de la fin et principe du Rosne,
Famine, glaive: tard le secours pourveu,
La Perse tourne envahir Macedoine.

2:97

Romain Pontife garde de t'approcher,
De la cité qui Deux fleuves arrouse,
Ton sang viendra aupres de la cracher
Toy et les tiens quand fleurira la rose.

2:98

Celui de sang reperse le visage,
De la victime proche sacrifiee,
Tonant en Leo, augure par presage,
Mis estra a mort lors pour la fiancee.

2:99

Terroir Romain qu'interpretoit augure,
Par gent Gauloise par trop sera vexee:
Mais nation Celtique craindra l'heure,
Boreas, classe trop loing l'avoir poussee.

2:100

Dedans les isles si horrible tumulte,
Bien on n'orra qu'une bellique brigue,
Tant grand sera de predateurs l'insulte,
Qu'on te viendra ranger a la grand ligue.

3:1

Apres combat et bataille navale,
Le grand Neptune a son plus haut befroy:
Rouge adversairede peur viendra pasle,
Mettant le grand Ocean en effroy.

3:2

Le divin Verbe donrra a la substance,
Comprins ciel, terre, or occult au laict mystique:
Corps, ame esprit ayant toute puissance,
Tant soubs ses pieds comme au siege Celique.

3:3

Mars et Mercure, et l'argent joint ensemble,
Vers le midy extreme siccité:
Au fond d'Asie on dira terre tremble,
Corinthe, Ephese lors en perplexité.

3:4

Quand seront proches de defaut des lunaires,
De l'un a l'autre ne distant grandement,
Froid, siccité, danger vers les frontieres,
Mesme oa` l'oracle a prins commencement.

3:5

Pres loing defaut de Deux grands luminaires.
Qui surviendra entre l'Avril et Mars:
O quel cherté nais Deux grands debonnaires
Par terre et mer secourrant toutes pars.

3:6

Dans le temple clos le foudre y entrera,
Les citadins dedans leur fort grevez.
Chevaux, boeufs, hommes, l'onde mur touchera,
Par faim, soif, soubs les plus foibles armez.

3:7

Les fugitifs, feu du ciel sus les piques,
Conflict prochain des corbeaux, s'esbatans
De terre on crie, aide, secours celiques,
Quand pres des murs seront les combatants.

3:8

Les Cimbres joints avecques leurs voisins
Depopular viendront presque l'Espaigne:
Gens amassez Guienne et Limosins
Seront en ligue, et leur feront compaigne.

3:9

Bourdeaux Roaјan, et la Rochelle joints,
Tiendront autour la grand mer Occeane,
Anglois, Bretons, et les Flamans conjoints
Les chasseront jusque aupres de Roaјane.

3:10

De sang et faim plus grand calamité,
Sept fois s'appreste a la marine plage:
Monech de faim, lieu pris, captivité,
Le grand mené croc en ferree caige.

3:11

Les armes battre an ciel longue saison
L'arbre au milieu de la cité tombé:
Verbine rongne, glaive, en face, Tison,
Lors le monarque d'Hadrie succombé.

3:12

Par la tumeur de Heb, Po, Tag, Timbre, et Rome
Et par l'estang Leman et Arentin.
Les Deux grands chefs et citez de Garonne,
Prins, mors noyez: Partir humain butin.

3:13

Par foudre en l'arche or et argent fondu,
De Deux captifs l'un l'autre mangera
De la cité le plus grand estendu,
Quend submergee la classe nagera.

3:14

Par le rameau du vaillant personnage,
De France infime, par le pere infelice:
Honneurs, richesses: travail en son vieil aage,
Pour avoir creu le conseil d'homme nice.

3:15

Coeur, rigeur, gloire le regne changera.
De tous points contre ayant son adversaire:
Lors France enfance par mort subjuguera,
Un grand regent sera lors plus contraire.

3:16

Un prince Anglais Mars a son coeur de ciel,
Voudra poursuivre sa fortune prospere
Des Deux duelles l'un percera le fiel,
Hay de luy bien aymé de sa mere.

3:17

Mont Aventine brusler nuict sera veu,
Le ciel obscur tout a un coup en Flandres
Quand le monarque chassera son nepveu,
Leurs gens a Eglise commettront les esclandres.

3:18

Apres la pluye laict assez longuette,
En plusieurs lieux de Reims le ciel touché:
O quel conflict de sang pres d'eux s'appreste,
Peres et fils Roys n'oseront approcher.

3:19

En Luques sant et laict viendra plouvoir,
Un peu devant changement de preteur:
Grand peste et guerre, faim et soif fera voir
Loing oa` mourra leur Prince recteur.

3:20

Par les contrees du grand fleuve Bethique,
Loing d'Ibere au royaume de Grenade
Croix repoussees par gens Mahometiques
Un Cordube trahira la contrade.

3:21

Au Crustamin par mer Hadriatique,
Apparoistra un horrible poisson,
De face humaine, et la fin aquatique,
Qui se prendra dehors de l'amacon.

3:22

Six jours l'assaut devant cité donné:
Livree sera forte et aspre bataille:
trois la rendront, et a eux pardonné,
Le reste a feu et sang tranche taille.

3:23

Si France passes entre mert lygustique,
Tu te verras en isles et mers enclos.
Mahommet contraire, plus mer Hadriatique
Cheveux et d'Asnes tu rongeras les os.

3:24

De l'entreprinse grande confusion,
Parte de gens tresor innumerable:
Tu n'y dois faire encore tension.
France a mon dire fais que sois recordable.

3:25

Qui au royaume Navarrois parviendra,
Quand de Sicile et Naples seront joints:
Bigore et Landres par Foix loron tiendra
D'un qui d'Espaigne sera par trop conjoint.

3:26

Des Roys et Princes dresseront simulacres,
Augures, cruez eslueuz aruspices:
Corne, victime doree, et d'azur, d'acre,
Interpretez seront les extipices.

3:27

Prince libinique puissant en Occident.
Frana§ois d'Bizante viendra tant enflammer.
Scavans aux lettres sera condescendant
La langue Bizante en Frana§ois translater.

3:28

De ferre faible et pauvre parentele,
Par bout et paix parviendra dans l'Empire.
Long temps regner une jeune femelle,
Qu'oncques en regne n'en survint un pire.

3:29

Les Deux nepveux en divers lieux nourris.
Navale pugne, terre peres tombez
Viendront si haut esluuez enguerris
Venger l'injure, ennemis succombez.

3:30

Celuy qu'en luitte et fer au faict bellique
Aura porté plus grand que luy le prix:
De nuict au lict Six luy feront la pique
Nud sans harnois subit sera surprins.

3:31

Aux champs de Mede, d'Bizante, et d'Armenie
Deux grans copies trois fois s'assembleront:
Pres du rivage d'Araxes la mesgnie,
Du grand Soliman en terre tomberant.

3:32

Le grand sepulchre du peuple Aquitanique
S'approchera aupres de la Toscane:
Quand Mars sera pres du coing Germanique
Et au terroir de la gent Mantuane.

3:33

En la cité oa` le loup entrera,
Bien pres de la les ennemis seront:
Copie estrange grand pays gastera
Aux murs et Alpes les amis passeront.

3:34

Quand le deffaut du Soleil lors sera
Sur le plain jour le monstre sera veu:
Tout autrement on l'interpretera,
Cherté n'a garde mil n'y aura pourveu.

3:35

Du plus profond de l'Occident d'Europe,
De pauvres gens un jeune enfant naistra,
Qui par sa langue seduira grande troupe,
Sont bruit au regne d'Orient plus croistra.

3:36

Ensevely non mort apopletique,
Sera trouvé avoir les mains mangees:
Quand la cité damnera l'heretique,
Qu'avoit leurs loix, se leur sembloit changees.

3:37

Avant l'assaut l'oraison prononcee,
Milan prins d'Aigle par embusches decevez:
Muraille antique par canons enfoncee,
Par feu et sang a mercy peu receus.

3:38

La gent Gauloise et nation estrange,
Outre les monts, morts, prins et profligez:
Au moins contraire et proche de vendage,
Par les Seigneurs en accord redigez.

3:39

Les sept en trois mois en concorde,
Pour subjuguer des Alpes Appenines:
Mais la tempeste et Ligure couarde,
Les profligent en subites ruines.

3:40

Le grand theatre se viendra redresser,
Les des jettez et les rets ja tendus:
Trop le premier en glaz viendra lasser,
Pars ares prostrais de long temps ja fendus.

3:41

Bossu sera esleu par le conseil.
Plus hiDeux monstre en terre n'apperceu,
Le coup voulant crevera l'oeil,
Le traistre au Roy pour fidelle receu.

3:42

L'enfant naistra a Deux dents en la gorge,
Pierres en Tuscie par pluy tomberont:
Peu d'ans apres ne sera bled ni orge,
Pour saouler ceux qui de faim failliront.

3:43

Gens d'alentour de Tarn Loth, et Garonne
Gardez les monts Apennines passer:
Vostre tombeau pres de Rome et d'Anconne,
Le noir poil crespe fera trophee dresser.

3:44

Quand l'animal a l'homme domestique,
Apres grands peines et sauts viendra parler,
Le fouldre a vierge sera si malefique,
De terre prinse et suspendue en l'air.

3:45

Les cinq estranges entrez dedans le temple
Leur sang viendra la terre prophaner:
Aux Tholousains sera bien dur example,
D'un qui viendra les lois exterminer.

3:46

Le ciel (de Plancus la cité) nous presage,
Par clers insignes et par estoilles fixes,
Que de son change subit s'aproche l'aage,
Ne pour son bien, ne pour ses malefices.

3:47

Le vieux monarque dechassé de son regne
Aux Orients son secours ira querre:
Pour peur des croix ployera son enseigne,
En Mitylene ira par port et par terre.

3:48

Sept cens captifs esttachez rudement,
Pour la moitié meurtrir, donné le sort:
Le proche espoir vindra si promptement
Mais non si tost qu'une quinziesme mort.

3:49

Regne Gaulois tu seras bien changé,
En lieu estrange est translaté l'Empire:
En autres moeurs et lois seras rangé,
Roan, et Chartres te feront bien du pire.

3:50

La republique de la grande cité,
A grand rigeur ne voudra consentir:
Roy sortir hors par trompette cité,
L'eschelle ay mur la cité repentir.

3:51

Paris conjure un grand meurtre commetre
Blois le fera sortir en plain effect:
Ceux d'Orleans voudront leur chef remettre
Angers, Troye, Langres leur feront un meffait.

3:52

En la campaigne sera si longue pluye,
Et en la Poaјille si grande siccité
Coq verra l'Aigle, l'aesle mal accompli,
Par Lyon mise sera en extremité.

3:53

Quand le plus grand emportera le pris
De Nuremberg d'Auspourg, et ceux de Basle,
Par Agrippine chef Frankfort repris
Traverseront par Flamant jusqu' au Gale.

3:54

L'un des plus grands fuyra aux Espaignes
Qu'en longue playe apres viendra saigner:
Passant copies par les hautes montaignes,
Devastant tout, et puis en paix regner.

3:55

En l'an qu'un oeil en France regnera,
La court sera a un bien facheux trouble:
Le grand de Bloys sont amy tuera
Le regne mis en mal et doubte double.

3:56

Montauban, Nismes, Avignon et Besier,
Peste, tonnere et gresle a fin de Mars:
De Paris pont, Lyon mur, Montpellier,
Depuis Six cens et sept vingts trois pars.

3:57

Sept fois changer verrez gent Britannique,
Taintz en sang en Deux cents nonante an
Franche non point par appuy Germanique
Aries doubte son pole Bastarnien.

3:58

Aupres du Rhin des montaignes Noriques
Naistra un grand de gens trop tard venu,
Qui defendra Saurome et Pannoniques,
Qu'on ne sa§aura qu'il sera devenu.

3:59

Barbare Empire par le tiers usurpé,
Le plus grand part de son sang mettre a mort:
Par mort senile par luy le quart frappé,
Pour peur que le sang par le sang ne soit mort.

3:60

Par toute Asie grande proscription,
Mesme en Mysie, Lysie, et Pamphylie.
Sang versera par absolution,
D'un jeune noir remply de felonnie.

3:61

La grand band et secte crucigere,
Se dressera en Mesopotamie:
Du proche fleuve compagnie legiere,
Que telle loy tiendra pour ennemie.

3:62

Proche del duero par mer Cyrrene close,
Viendra percer les grands monts Pyrenees
La main plus courte et sa percee gloze,
A Carcassonne conduira ses menees.

3:63

Romain pouvoir sera du tout abas:
Son grand voisin imiter les vestiges:
Occultes haines civiles et debats,
Retarderont au bouffons leurs folies.

3:64

Le chef de Perse remplira grande Olchade,
Classe Frireme contre gent Mahometique:
De Parthe, et Mede, et piller les Cyclades.
Repos long temps aux grand port Ionique.

3:65

Quand le sepulcre du grand Romain trouvé
Le jour apres sera esleu Pontife:
Du Senat gueres il ne sera prouvé
Empoisonné, son sang au sacré scyphe.

3:66

Le grand Baillif d'Orleans mis a mort
Sera par un de sang vindicatif:
De mort merite ne mourra ne par sort
Des pieds et mains mal le faisoit captif.

3:67

Une nouvelle secte de Philosophes,
Mesprisant mort, or, honneurs et richesses:
Des monts Germains ne seront limitrophes,
A les ensuyvre auront appuy et presses.

3:68

Peuple sans chef d'Espaigne et d'Italie,
Morts, profligez dedans le Cherronesse
Leur dict trahy par legiere folie,
Le sang nager par tout a la traverse.

3:69

Grand excercite conduict par jouvenceau,
Se viendra rendre aux mains des ennemis
Mais le vieillard nay au demy pourceau,
Fera Chalon et Mascon estre amis.

3:70

La grand Bretagne comprinse d'Angleterre,
Viendra par eaux si haut a inonder
La Ligue neufue d'ausonne fera guerre,
Que contre eux ils se viendront bander.

3:71

Ceux dans les isles de longtemps assiegez,
Prendront vigeur force contre ennemis:
Ceux par dehors mors de faim profligez,
En plus grand faim que jamais seront mis.

3:72

Le bon vieillard tout vif ensevely,
Pres du grand fleuve par fausse souspea§on:
Le nouveau vieux de richesse ennobly,
Prins a chemin tout l'or de la rana§on.

3:73

Quand dans le regne parviendra la boiteux,
Competiteur aura proche bastard:
Luy et le regne viendront si fort roigneux,
Qu'ains qu'il guerisse son faict sera bien tard.

3:74

Naples, Florence, Favence, et Imole,
Seront en termes de telle fascherie,
Que pour complaire aux malheureux de Nolle
Plainct d'avoir faict a son chef moquerie.

3:75

Pau, Verone, Vicence Sarragousse,
De glaives loings, terroirs de sang humides
Peste si grande viendra a la grand gousse,
Proche secours, et bien loing les remedes.

3:76

En Germanie naistront diverses sectes,
S'approchant fort de l'heureux paganisme,
Le coeur captif et petitesreceptes,
Feront retour a payer le vray disme.

3:77

Le tiers climat sous Aries comprins,
L'an mil sept cens vingt et sept en Octobre,
Le Roy de Perse par ceux d'Egypte prins
Conflit, mort, perte: a la croix grand approbre.

3:78

Le chef d'Escosse, avec Six d'Alemaigne
Par gens de mer Orienteaux captif:
Traverseront le Calpre et Espaigne,
Present en Perse au nouveau Roy craintif.

3:79

L'ordre fatal sempiternal par chaisne,
Viendra tourner par ordre consequent:
Du port Phocen sera rompu la chaisne,
La cité prinse, l'ennemy quant et quant.

3:80

Du regne Anglois l'indigne dechassé,
Le conseiller par ire mis a feu
Ses adhera iront si bas tracer,
Que le batard sera demy receu.

3:81

Le grand crier sans honte audacieux,
Sera esleu gouverneur de l'armee:
La hardiesse de son contentieux
Le pont rompu, cité de peur pasmee.

3:82

Friens, Antibor, villes autour de Nice,
Seront vastees fort par mer et par terre:
Les saturelles terre et mer vent propice,
Prins, morts troussez, pillés sans loy de guerre.

3:83

Les longs cheveux de la Gaule Celtique,
Accompaignez d'estranges nations,
Mettront captif la gent aquitanique,
Pour succomber a internitions.

3:84

La grande cité sera bien desolee,
Des habitans un seul n'y demoura
Mur, sexe, temple et vierge violee,
Par fer, feu, peste canon peuple mourra.

3:85

La cité prinse par tromperie et fraude,
Par le moyen d'un beau jeune attrappé:
Assaut donné Raubine pres de LAUDE,
Luy et tous morts pour avoir bien trompé.

3:86

Un chef d'Ausonne aux Espaignes ira
Par mer fera arrest dedans Marseille:
Avant sa mort vn long temps languira
Apres sa mort on verra grand merveille.

3:87

Classe Gauloise n'approches de Corsegne,
Moins de Sardaigne, tu t'en repentiras:
Trestout mourrez frustrez de l'aide grogne.
Sang nagera captif ne me croiras.

3:88

De Barcellonne par mer si grand armee,
Tout Marseille de frayeur tremblera.
Isles saisies de mer ayde fermee,
Ton traditeur en terre nagera.

3:89

En ce temps la sera frustree Cypres,
De son secours de ceux de mer Egee:
Vieux trucidez, mais par mesles et lyphres
Seduict leur Roy, Royne, plus outragee.

3:90

Le grand Satyre et Tigre d'Hyrcanie.
Don presenté a ceux de l'Occean:
Un chef classe istra de Carmanie,
Qui prendra texte au Tyrren Phocean.

3:91

L'arbre qu'estoit par long temps mort seché,
Dans une nuict viendra a reverdir:
Cron Roy malade, Prince pied estaché,
Criant d'ennemis fera voile bondir.

3:92

Le monde proche du dernier periode
Saturne encor tard sera de retour:
Tanslat Empire devers nation Brodde,
L'oeil arraché a Narbon par Autour.

3:93

Dans Avignon tout le chef de l'Empire
Fera arrest pour Paris desolé:
Tricast tiendra l'Annibalique ire,
Lyon par change sera mel consolé.

3:94

De cinq cent ans plus compte l'on tiendra,
Celuy qu'estoit l'ornement de son temps:
Puis a un coup grand clarté donra,
Qui par ce siecle les rendra trescontens.

3:95

La loy Moricque on verra deffaillir.
Apres un autre beaucoup plus seductive:
Boristhenes premier viendra faillir.
Par dons et langue une plus attractive.

3:96

Chef de Fossan aura gorge coupee,
Par le ducteur du limier et laurier:
Le faict patre ceux de mont Tarpee,
Saturne en Leo 13 de Fevrier.

3:97

Nouvelle loy terre neufve occuper,
Vers la Syrie, Judée et Palestine:
Le grand Empire barbare corruer,
Avant que Phoebus son siecle determine.

3:98

Deux royals freres si fort guerroierent,
Qu'entre eux sera la guerre si mortelle:
Qu'un chacun places fortes occuperont,
De regne et vie sera leur grand querelle.

3:99

Aux champs herbeux d'Alein et du Vaineigne,
Du mont Lebrou proche de la Durance,
Camps de Deux parts conflict sera si aigre,
Mesopotamie defaillira en la France.

3:100

Entre Gaulois le dernier honnoré,
D'homme ennemy sera victorieux:
Force et terroir en mouvement exploré,
D'un coup de traict quand mourra l'envieux.

4:1

Cela du reste de sang non espandu,
Venise quiert secours estre donné.
Apres avoir bien loing temps attendu,
Cité livree au premier cornet sonné.

4:2

Par mort la France prendra voyage a faire,
Classe par mer, marcher monts Pyrenees.
Espaigne en trouble, marcher gent militaire:
Des plus grands Dames en France emmenees.

4:3

D'Arras et Bourges, de Brodes grans enseignes,
Un plus grand nombre de Gascons battre a pied,
Ceux long du Rosne saigneront les Espaignes:
Proche du mont oa` Sagonte s'assied.

4:4

L'impotent prince faché plaincts et querelles,
De rapts et pillé, par coqz et par Lybiques:
Grands est par terre par mer infinies voilles,
Seule Italie sera chassont Celtiques.

4:5

Croix, paix, soubz un accomply divin verbe,
L'Espaigne et Gaule seront unis ensemble:
Grand clade proche, et combat tresacerbe,
Coeur si hardy ne sera qui ne tremble.

4:6

D'habits nouveaux apres faicte la treuve,
Malice tramme et machination:
Premier mourra qui en fera la preuve,
Couleur venise insidation.

4:7

Le mineur fils du grand et hay Prince,
De lepre aura a vingt ans grande tache,
De deuil sa mere mourra bien triste et mince,
Et il mourra la oa` tombe cher lache.

4:8

La grand cité d'assaut prompt et repentin,
Surprins de nuict, gardes interrompus:
Les excubies et vielles sainct Quintin,
Trucides gardes et les pourtails rompus.

4:9

Le chef du camp au milieu de la presse:
D'un coup de fleche sera blessé aux cuisses,
Lors que Geneve eu larmes et detresse,
Sera trahi par Lozan, et Souysses.

4:10

Le jeune Prince accusé faulssement,
Mettra en trouble le camp et en querelles:
Meutry le chef pour le soustenement,
Sceptre appaiser: puis guerir escroaјelles.

4:11

Celuy qu'aura gouvert de la grand cappe,
Sera induict a quelques cas patrer:
Les douze rouges viendront fouiller la nappe,
Soubz meutre, meutre se viendra perpetrer.

4:12

Le camp plus grand de route mis en fuite,
Guaires plus outre ne sera pourchassé:
Ost recampé et legion reduicte,
Puis hors des Gaules du tout sera chassé.

4:13

De plus grand perte nouvelles raportees,
Le raport fait le camp s'estonnera.
Bandes unies encontre revoltees,
Double phalange quand abandonnera.

4:14

La mort subite du premier personnage
Aura changé et mis un autre au regne:
Tost, tard venu a si haut et bas aage,
Que terre et mer faudre que on la craigne.

4:15

D'oa` pensera faire venir famine,
De la viendra se rassasiement:
L'oeil de la mer par avare canine
Pour de l'un l'autre dorna huyle, froment.

4:16

La cité franche de liberté fait serve.
Des profligés et resveurs faict asyle.
Le Roy changé a eux non si proterve:
De cent seront deVenus plus de mille.

4:17

Changer a Beaune, Nuy, Chalons, et Dijon,
Le duc voulant amander la Barree
Marchant pres fleuve, poisson, bec de plongeon
Vers la queue: porte sera serree.

4:18

Des plus lettrés dessus les faits celestes
Seront par princes ignorans reprouvés:
Punis d'Edit, chassez comme scelestes,
Et mis a mort la oa` seront trouvés.

4:19

Devant Rouen d'Insubres mis le siege,
Par terre et mer enfermés les passages:
D'haynault, et Flandres de Gand et ceux de Liege,
Par dons laenees raviront les rivages.

4:20

Paix uberté long temps lieu loaјera:
Par tout son regne desert la fleur de lys:
Corps morts d'eau, terre la l'on apportera,
Sperants vain heur d'estre la ensevelis.

4:21

Le changement sera fort difficile,
Cité, province au change gain fera:
Coeur haut, prudent mis, chassé luy habile,
Mer, terre, peuple son estat changera.

4:22
La grand copie qui sera deschassee,
Dans un moment fera besoing au Roy.
La foy promise de loing sera faulsee,
Nud se verra en piteux desarroy.

4:23

La legion dans la marine classe,
Calcine, Magnes soulphre, et poix bruslera:
Le long repos de l'asseuree place,
Port Selyn, Hercle feu les consumera.

4:24

Ouy soubs terre saincte Dame voix fainte,
Humaine flamme pour divine voix luire:
Fera les seuls de leur sang terre tainte,
Et les saincts temples pour les impurs destruire.

4:25

Corps sublimes sans fin a l'oeil visibles,
Obnubiler viendront par ces raisons:
Corps, front comprins, sens chefs et invisibles,
Diminuant les sacrees oraisons.

4:26

Lou grand eyssame se levera d'abelhos,
Que non salutan don te siegen venguddos.
De nuech l'embousque, lou gach dessous las treilhos
Cuitad trahido per cinq lengos non nudos.

4:27

Salon, Mansol, Tarascon de SEX, l'arc,
Oa` est debout encor la piramide:
Viendront livrer le Prince Dannemarc
Rachat honny au temple d'Artemide.

4:28

Lors que Venus du Sol sera couvert,
Soubs l'esplendeur sera forme occulte:
Mercure au feu les aura descouvert,
Par bruit bellique sera mis a l'insulte.

4:29

Le Sol caché eclipse par Mercure,
Ne sera mis que pour le ciel second:
De Vulcan Hermes sera faicte pasture,
Sol sera veu pur, rutiland et blond.

4:30

Plus onze fois Luna Sol ne voudra,
Tous augmenté et baissez de degré:
Et si bas mis que peu or on cendra,
Qu'apres faim peste, descouvert le secret.

4:31

la Lune au plain de nuict sur le haut mont,
Le nouveau sophe d'un seul cerveau la veu:
Par ses disciples estre immortel semond,
Yeux au midy, en feins mains corps au feu.

4:32

Es lieux et temps chair un poisson donra lieu,
La loy commune sera faicte au contraire:
Vieux tiendra fort puis osté du milieu,
Le Panta chiona philon mis fort arriere.

4:33

Jupiter joinct plus Venus qu'a la Lune,
Apparoissant de plenitude blanche:
Venus cachee souz la blancheur Neptune
De Mars frappee par la gravee blanche.

4:34

Le grand mené captif d'estrange terre,
D'or enchainé au Roy CHYREN offert:
Qui dans Ausone, Milan perdra la guerre,
Et tout son ost mis a feu et a fer.

4:35

Le feu estaint les vierges trahiront
La plus grand part de la bande nouvelle:
Fouldre a fer, lance les seulz Roy garderont
Etrusque et Corse, de nuict gorge allumelle.

4:36
Les jeux nouveau en Gaule redressés,
Apres victoire de l'Insubre champaigne:
Monts d'Esperie, les grands liés, troussés:
De peur trembler la Romaigne et l'Espaigne.

4:37

Gaulois par saults, monts viendra penetrer:
Occupera le grand lieu de l'Insubre:
Au plus profond son est fera entrer,
Gennes, Monech pousseront classe rubre.

4:38

Pendant que Duc Roy, Royne occupera,
Chef Bizant du captif en Samothrace:
Avant l'assault l'un l'autre mangera,
Rebours ferré suyvra du sang la trace.

4:39

Les Rhodiens demanderont secours,
Par le neglect de ses hoyrs delaissee.
L'Empire Bizante revalera son secours,
Par Hesperies la cause redressee.

4:40

Les fortresses des assiegés serrés,
Par poudre a feu profondés en abysme:
Les proditeurs seront tous vifs serrés,
Onc aux sacristes n'advint si piteux scisme.

4:41

Gymnique sexe captive par hostage,
Viendra de nuit custodes decevoir:
Le chef du camp dea§eu par son langage,
Lairra a la gente, fera piteux a voir.

4:42

Geneve et Langres par ceux de Chartres et Dole,
Et par Grenoble captif au Montlimard:
Seysset, Losanne, par fraudulente dole,
Les trahiront par or soixante marc.

4:43

Seront ouys au ciel les armes battre,
Celuy an mesme les divins ennemis:
Voudrant loix sainctes injustement debatre:
Par foudre et guerre bien croyans a mort mis.

4:44

Deux gros de Mende, de Rondés et Milhau,
Cahours, Limoges, Castres malo sepmano
De nuech l'intrado, de Bourdeaux un cailhau,
Par Perigort au toc de la campano.

4:45

Par conflit Roy, regne abandonnera,
Le plus grand chef faillira au besoing:
Mors profligés peu en rechapera,
Tous destranchés, un en sera tesmoing.

4:46

Bien defendu le faict par excellence,
Garde toy Tours de ta proche ruine:
Londres et Nantes par Reims fera defense
Ne passe outre au temps de la bruine.

4:47

Le noir farouche quand aura essayé
Sa main sanguine par feu, fer arcs tendus,
Trestout le peuple sera tant effrayé,
Voir les plus grans par col et pieds pendus.

4:48

Planure Ausonne fertile, spacieuse,
Produira taons si tant de sauterelles:
Clarté Solaire deviendra nubileuse,
Rouger le tout, grand peste venir d'elles.

4:49

Devant le peuple sang sera respandu,
Que du haut ciel viendra esloigner:
Mais d'un long temps ne sera entendu,
L'esprit d'un seul le viendra tesmoigner.

4:50

Libra verra regner les Hesperies,
De ciel et terre tenir la monarchie:
D'Asie forces nul ne verra pAries,
Que sept ne tiennent par rang la hierarchie.

4:51

Un Duc cupide son enemy ensuyvre,
Dans entrera empeschant la phalange,
Hastez a pied si pres viendront poursuyvre,
Que la journee conflite pres de Gange.

4:52

En cité obsesse aux murs hommes et femmes.
Ennemis hors le chef prest a soy rendre:
Vent sera fort encontre les gendarmes.
Chassez seront par chaux, poussiere, et cendre.

4:53

Les fugitifs et bannis revoquez,
Peres et fils grand garnissant les hauts puits
Le cruel pere et les siens souffoquez,
Son fils plus pire submergé dans le puits.

4:54

Du nom qui onques ne fut au Roy Gaulois
Jamais ne fut un fouldre si craintif.
Tremblant l'Italie, l'Espaigne et les Anglois,
De femme estrangiers grandement attentif.

4:55

Quand la corneille sur tout de brique joincte,
Durant sept heures ne fera que crier:
Mort presagee de sang statue taincte,
Tyran meutri, aux Dieux peuple prier.

4:56

Apres victoire de babieuse langue,
L'esprit tempte en tranquil et repos:
Victeur sanguin par conflict faict harangue,
Roustir la langue et la chair et les os.

4:57

Ignare envie au grand Roy supportee,
Tiendras propos deffendre les escripitz.
Sa femme non femme par un autre tentee,
Plus double Deux ne fort ne criz.

4:58

Soleil ardent dans le gosier coller,
De sang humain arrouser terre Etrusque :
Chef seille d'eau, mener son fils filer,
Captive dame conduicte en terre Turque.

4:59

Deux assiegez en ardente ferveur:
De soif estaincts pour Deux plaines tasses
Le fort limé, et un vieillart resveur,
Aux Genevois de Nira monstra trasse.

4:60

Les sept enfans en hostaige laissez,
Le tiers viendra son enfant trucider:
Deux par son filz seront d'estoc percés.
Gennes, Florence, los viendra encunder.

4:61

Le vieux mocqué et privé de sa place,
Par l'estrangier qui le subornera:
Mains de son filz mangees devant sa face,
Le frere a Chartres, Orl. Rouen trahira.

4:62

Un coronel machine ambition,
Se saisira de la plus grand armee,
Contre son Prince fainte invention,
Et descouvert sera soubz sa ramee.

4:63

L'armee Celtique contre les montaignars,
Qui seront sceus et prins a la lipee:
Paysans frais pousseront tost faugnars,
Precipitez tous au fil de l'espee.

4:64

Le deffaillant en habit de bourgeois,
Viendra le Roi tempter de son offense:
Quinze souldartz la pluspart Ustagois,
Vie derniere et chef de sa chevance.

4:65

Au deserteur de la grande forteresse,
Apres qu'aura son lieu abandonné,
Son adversaire fera grand prouesse,
L'empereur tost mort sera condamné.

4:66

Soubz couleur faincte de sept testes rasces,
Seront semés divers esplorateurs:
Puys et fontaines de poisons arrousees,
Au fort de Gennes humains deuorateurs.

4:67

L'an que Saturne et Mars esgaux combust,
L'air fort seiché longue trajection:
Par feux secrets, d'ardeur grand lieu adust,
Peu pluye, vent chault, guerres, incursions.

4:68

En lieu bien proche non esloigné de Venus.
Les Deux plus grans de l'Asie et d'Affrique,
Du Rhyn et Hister qu'on dira sont Venus,
Cris, pleurs a Malte et costé Ligustique.

4:69

La cité grande les exiles tiendront,
Les citadins morts, meurtris et chaffés:
Ceulx d'Aquilee a Parme promettront,
Monstrer l'entree par les lieux non trassés.

4:70

Bien contigue des grands monts Pyrenees,
Un contre l'Aigle grand copie addresser:
Ouvertes veines, forces exterminees,
Comme jusque a Pau le chef viendra chasser.

4:71

En lieu d'espouse les filles trucidees,
Meurtre a grand faulte ne fera superstile:
Dedans le puys vestules inondees,
L'espouse estraincte par hauste d'Aconite.

4:72

Les Artomiques par Agen et l'Estore,
A sainct Felix feront leur parlement:
Ceux de Basas viendront a la mal' heure,
Saisir Concon et Marsan promptement.

4:73

Le nepveu grand par force prouvera
Le pache fait du coeur pusillanime:
Ferrare et Ast le Duc esprouvera,
Par lors qu'au soir sera le pantomime.

4:74

Du lac liman et ceux de Brannonices,
Tous assemblez contre ceux d'Aquitaine:
Germains beaucoup encore plus Souisses,
Seront defaictz avec ceux d'Humaine.

4:75

Prest a combatre fera defection,
Chef adversaire obtiendra la victoire.
L'arriere garde fera defension.
Les defaillans mort au blanc territoire.

4:76

Les Nictobriges par ceux de Perigort,
Seront vexez, tenant jusques au Rosne:
L'associé de Gascons et Begorne,
Trahir le temple, le prebstre estant au prosne.

4:77

SELIN monarque l'Italie pacifique,
Regnes unis Roy Chrestien du monde:
Mourrant voudra coucher en terre blesique,
Apres pyrates avoir chassé de l'onde.

4:78

La grand armee de la pugne ciuile,
Pour de nuict Parme a l'estrange trouvee,
Septante neuf meurtris dedans la ville,
Les estrangiers passez tous a l'espee.

4:79

Sang Royal fuis, Monhurt, Mas, Eguillon,
Remplis seront de Bourdelois les landes,
Navarre, Bygorre poinctes et eguillons,
Profondz de faim vorer de Liege glandes.

4:80

Pres du grand fleuve grand fosse terre egeste,
En quinze pars sera l'eau divisee:
La cité prinse, feu, sang, cris conflict mettre.
Et la pluspart concerne au collisee.

4:81

Pont on fera promptement de nacelles,
Passer l'armee du grand Prince Belgique:
Dans profondres et non loing de Brucelles,
Outre passes, detrenchés sept a picque.

4:82

Amas s'approche venant d'Esclavonie,
L'Olestant vieux cité ruynera:
Fort desolee verra sa Romanie,
Puis la grande flamme estaindre ne sa§aura.

4:83

Combat nocturne le vaillant capitaine,
Vaincu fuyra peu de gens profligé:
Son peuple esmeu, sedition non vaine.
Son propre filz le tiendra assiegé.

4:84

Un grand d'Auxerre mourra bien miserable.
Chassé de ceux qui soubs luy ont esté:
Serré de chaines, apres d'un rude cable,
En l'an que Mars, Venus et Sol mis en esté.

4:85

Le charbon blanc du noir sera chassé,
Prisonnier faicte mené au tombereau,
More Chameau sur pieds entrelassez,
Lors le puisné sillera l'aubereau.

4:86

L'an que Saturne en eau sera conjoinct,
Avecques Sol, le Roy fort et puissant,
A Reims et Aix sera rea§eu et oingt,
Apres conquestes meurtrira innocens.

4:87

Un filz du Roy tant de langues aprins,
A son aisné au regne different:
Son pere beau au plus grand filz comprins,
Fera perir principal adherent.

4:88

Le grand Antoine de nom de faicte sordide
De Phthyriase a son dernier rongé:
Un qui de plomb voudra estre cupide,
Passant le port d'esleu sera plongé.

4:89

Trente de Londres secret conjureront,
Contre leur Roy, sur le pont l'entreprinse:
Luy, satalites la mort degousteront,
Un Roy esleu blonde, natif de Frize.

4:90

Les Deux copies aux mers ne pourront joindre,
Dans cest instan trembler Milan, Ticin:
Faim, soif, doubtance si fort les viendra poindre
Chair, pain, ne vivres n'auront un seul boucin.

4:91

Au Duc Gauloise contrainct battre au duelle,
La nef Mollele monech n'approchera,
Tort accusé, prison perpetuelle,
Son fils regner avant mort taschera.

4:92

Teste tranchee du vaillant capitaine,
Sera gettee devant son adversaire:
Son corps pendu de la classe a l'antenne
Confus fuira par rames a vent contraire.

4:93

Un serpent veu proche du lict royal,
Sera par dame nuict chiens n'abayeront:
Lors naistre en France un Prince tant royal,
Du ciel venu tous les Princes verront.

4:94

Deux grands freres seront chassez d'Espaigne,
L'aisne vaincu sous les mons Pyrenees:
Rougir mer, Rosne, sang Lemam d'Alemaigne,
Narbon, Blyterre, d'Agath contaminees.

4:95

Le regne a Deux laissé bien peu tiendront,
trois ans sept mois passés feront la guerre
Les Deux Vestales contre eux rebelleront,
Victor puisnay en Armorique terre.

4:96

La soeur aisnee de l'Isle Britannique
Quinze ans devant le frere aura naissance,
Par son promis moyennant verrifique,
Succedera au regne de balance.

4:97

L'an que Mercure, Mars, Venus retrograde,
Du grand Monarque la ligne ne faillit:
Esleu du peuple l'usitant pres de Gagdole,
Qu'en paix et regne viendra fort envieillir.

4:98

Les Albanois passeront dedans Rome,
Moyennant Langres demipler affublez,
Marquis et Duc ne pardonnes a l'homme,
Feu, sang, morbilles point d'eau faillir les bleds.

4:99

Laisné vaillant de la fille du Roy,
Repoussera si profond les Celtiques,
Qu'il mettra foudres, combien en tel arroy
Peu et loing, puis profond és Hesperiques.

4:100

Du feu celeste au Royal edifice.
Quand la lumiere de Mars defaillira,
Sept mois grand guerre, mort gent de malefice
Rouen, Eureux au Roy ne faillira.

5:1

Avant venu de ruine Celtique,
Dedans le temple Deux palementeront
Poignard coeur, d'un monté au coursier et pique,
Sans faire bruit le grand enterreront.

5:2

Seps coniurés au banquet feront luire,
Contre les trois le fer hors de navire
L'un les Deux classes au grand fera couduire,
Quand par le mail. Denier au front luy tire.

5:3

Le successeur de la Duché viendra.
Beaucoup plus outre que la mer de Tosquane:
Gauloise branche la Florence tiendra,
Dans son giron d'accord nautique Rane.

5:4

Le gros mastin de cité deschassé,
Sera fasché de l'estrange alliance,
Apres aux champs avoir le cerf chassé
Le lous et l'Ours se donront defiance.

5:5

Souz ombre faincte d'oster de servitude,
Peuple et cité l'usurpera luy mesmes
Pire fera par fraux de jeune pute,
Livré au champ lisant le faux proesme.

5:6

Au Roy l'augur sur le chef la main mettre,
Viendra prier pour la paix Italique:
A la main gauche viendra changer le sceptre,
De Roy viendra Empire pacifique.

5:7

Du Triumvir seront trouvé les os,
Cherchant profond thresor aenigmatique.
Ceux d'alentour ne seroit en repos.
Ce concaver marbre et plomb metallique.

5:8

Sera laissé le feu vif, mort caché,
Dedans les globes horrible espouvantable.
De nuict a classe cité en poudre lasché,
La cité a feu, l'ennemy favorable.

5:9

Jusques au fonds la grand arq demolue,
Par chef captif l'ami anticipé,
Naistra de dame front, face chevelue,
Lors par astuce Duc a mort attrapé.

5:10

Un chef Celtique dans le conflict blessé,
Aupres de cave voyant siens mort abbatre:
De sang et playes et d'ennemis pressé,
Et secourus par incognus de quatre.

5:11

Mer par Solaires seure ne passera,
Ceux de Venus tiendront toute l'Affrique:
Leur regne plus Saturne n'occupera,
Et changera la part Asiatique.

5:12

Aupres du lac Leman sera conduite,
Par garse estrange cité voulant trahir:
Auant son meutre a Auspourg la grand suitte,
Et ceux du Rhin la viendront invahir.

5:13

Par grand fureur le Roy Romain Belgique
Vexer vouldra par phalange barbare:
Fureur grinsseant, chassera gent Lybique
Despuis Pannons jusques Hercules la hare.

5:14

Saturne et Mars en Leo Espagne captive,
Par chef Lybique au conflict attrapé,
Proche de Malthe, Heredde prins vive,
Et Romain sceptre sera par coq frappé.

5:15

En navigant captif prins grand pontife,
Grand aprets faillir les clercz tumultuez:
Second esleu absent son bien debife,
Son favory bastard a mort rué.


5:16

A son haut pris plus la lerme sabee,
D'humaine chair par mort en cendres mettre,
A l'isle Pharos par Croisars pertubee,
Alors qu'a Rodes paroistra dur espectre.

5:17

De nuict passant le Roy pres d'une Andronne,
Celuy de Cypres et principal guette.
Le Roy failly, la main fuict long du Rosne,
Les conjurés l'iront a mort mettre.

5:18

De deuil mourra l'infelix profligé,
Celebrera son vitrix l'hecatombe:
Pristine loy, franc edit redigé,
Le mur et Prince au septiesme jour tombe.

5:19

Le grand Royal d'or, d'aerain augmenté,
Rompu la pache, par jeune ouverte guerre:
Peuple affligé par un chef lamenté,
De sang barbare sera converre terre.

5:20

Dela les Alpes grande armée passera,
Un peu devant naistre monstre vapin:
Prodigieux et subit tournera
Le grand Tosquan a son lieu plus propin.

5:21

Par le trespas du monarque latin,
Ceux qu'il aura par regne secouruz:
Le feu luira divisé le butin.
La mort publique aux hardis incoruz.

5:22

Avnt, qu'a Rome grand aye rendu l'ame
Effrayeur grande a l'armee estrangere:
Par esquadrons l'embusche pres de Parme,
Puis les Deux rouges ensemble feront chere.

5:23

Les Deux contens seront unis ensemble,
Quand la pluspart a Mars seront conjoinct:
Le grand d'Affrique en effrayeur et tremble,
DUUMVIRAT par la classe desjoinct.

5:24

Le regne et loys souz Venus eslevé,
Saturne aura sus Jupiter Empire
La loy et regne par le Soleil levé,
Par Saturnins endurera le pire.

5:25

Le prince Bizante Mars, Sol, Venus, Lyon
Regne d'Eglise par mer succombera:
Devers la Perse bien pres d'un million,
Bisance, Egypte ver. serp. invadera.

5:26

La gent esclave par un heur Martial,
Viendra en haut degré tant esleuee,
Changeront Prince, naistre un provincial,
Passer la mer copie aux monts levee.

5:27

Par feu et armes non loing de la marnegro,
Viendra de Perse occuper Trebisonde:
Trembler Phatos Methelin, Sol alegro,
De sang Bizante d'Adrie couvert onde.

5:28

Le bras pendu et la jambe liee,
Visage pasle, au sein poignard caché,
trois qui seront jurez de la meslee
Au grand de Gennes sera le fer lasché.

5:29

La liberté ne sera recouvree,
L'occupera noir, fier, vilain, inique,
Quand la matiere du pont sera ouvree,
D'Hister, Venise faschee la republique.

5:30

Tout a l'entour de la grande Cité,
Seront Soldats logez par champs et villes.
Donner l'assaut Paris, Rome incité
Sur le pont lors sera faicte, grand pille.

5:31

Par terre Attique chef de la sapience,
Qui de present est la rose du monde:
Pont ruiné et sa grande preeminence
Sera subdite et naufrage des undes.

5:32

Oa` tout bon est tout bien Soleil etLune
Est abondant, sa ruine s'approche.
Du ciel s'advance vaner ta fortune,
En mesme estat que la septiesme roche.

5:33

Des principaux de cité rebellee
Qui tiendront fort pour liberté ravoir.
Detrencher masles, infelice meslee,
Cris, hurlemens a Nantes piteux voir.

5:34

Du plus profond de l'Occident Anglois
Oa` est le chef de l'isle Britannique
Entrera classe dans Gironde, par Blois
Par vin et sel, ceux cachez aux barriques.

5:35

Par cité franche de la grand mer Seline
Qui porte encores a l'estomach la pierre,
Angloise classe viendra soubs la bruine
Un rameau prendre, du grand ouverte guerre.

5:36

De soeur le frere par simulte faintise
Viendra mesler rosee en myneral:
Sur la placente donne a vielle tardifve,
Meurt le goustant sera simple et rural.

5:37

trois cents feront d'un vouloir et accord,
Que pour venir au bout de leur attaincte,
Vingt mois apres tous et records
Leur Roy trahy simulant haine saincte.

5:38

Ce grand monarque qu'au mort succedera,
Donnera vie illicite et lubrique,
Par nonchalance a tous concedera,
Qu'a la parfin faudra la loy Salique,

5:39

Du vray rameau de fleur de lys issue
Mis et logé heretier d'Hetrurie:
Son sang antique de longue main tissu,
Fera Florence florir en l'armoirie.

5:40

Le sang royal sera si tresmeslé,
Contrainct seront Gaulois de l'Hesperie:
On attendra que terme soit coulé,
Et que memoire de la voix soit perie.

5:41

Nay souz les umbres et journee nocturne,
Sera en regne et bonté souveraine:
Fera renaistre son sang de l'antique urne,
Renouvellant siecle d'or pour l'aerain.

5:42

Mars esleué en son plus haut befroy,
Fera retraire les Allobrox de France:
La gent Lombarde fera si grand effroy,
A ceux de l'Aigle comprins souz la Balance.

5:43

La grand' ruine des sacrez ne s'esloigne,
Provence, Naples, Sicille, Seez et Ponce,
En Germanie, au Rhin et la Cologne,
Vexez a mort par ceux de Magonce.

5:44

Par mer le rouge sera prins de pyrates,
La paix sera par son moyen troublee:
L'ire et l'avare commettra par fainct acte,
Au grand Pontife sera l'armee doublee.

5:45

Le grand Empire sera tost desolé
Et translaté pres d'arduenne silve:
Les Deux bastardz par l'aisné decollé,
Et regnera Aenodarb, nez de milve.

5:46

Par chapeaux rouges querelles et nouveaux scismes
Quand on aura esleu le Sabinois:

On produira contre luy grands sophismes,
Et sera Rome lesse par Albanois.

5:47

Le grand, Bizante marahera bien avant,
Trahy sera par les Bisantinois:
L'antique Rodes luy viendra audevant,
Et plus grand mal par autre Pannonois.

5:48

Apres la grande affliction du sceptre,
Deux ennemis par eux seront defaictz:
Classe d'Afrique aux Pannons viendra naistre,
Par mer et terre seront horribles faictz.

5:49

Nul de l'Espaigne, mais de l'antique France
Ne sera esleu pour le trembant nacelle
A l'ennemy sera faicte fiance,
Qui dans son regne sera peste cruelle.

5:50

L'an que Deux freres du lys seront en aage,
L'un d'eux tiendra la grande Romanie:
Trembler les monts, ouvert Latin passage,
Pache macher contre fort d'Armenie.

5:51

La gent de Dace, d'Angleterre et Polonne
Et de Boesme feront nouvelle ligue.
Pour passer outre d'Hercules la colonne,
Barcins, Tyrrens dresser cruelle brique.

5:52

Un Roy sera qui donra l'opposite.
Les exilez eslevez sur le regne:
De sang nager la gent caste hypolite,
Et florira long temps soubs telle enseigne.

5:53

La loy du Sol et Venus contendens
Appropiant l'esprit de prophetie:
Ne l'un ne l'autre ne seront entendus,
Par Sol tiendra la loy du grand Messie.

5:54

Du pont Euxine, et la grand Tartarie,
Un Roy sera qui viendra voir la Gaule,
Transpercera Alane et l'Armenie,
Et dedans Bisance lairra sanglante gaule.

5:55

De la Felice Bizantie contrade,
N'aistra puissant de loy Mahometique:
Vexer l'Espagne, conquester la Grenade,
Et plus par mer a la gent Ligustique.

5:56

Par le trespas du tres vieillart pontife
Sera esleu Romain de bon aage,
Qu'il sera dict que le siege debiffe,
Et long tiendra et de picquant ouvrage.

5:57

Istra de mont Gaulfier et Aventin,
Qui par trou avertira l'armee
Entre Deux rocs sera prins le butin,
De SEXT. mansol faillir le renommee.

5:58

De l'aqueduct d'Uticense Gardoing,
Par la forest et mont inacessible,
En my du pont sera tasché au poing,
Le chef nemans et qui tant sera terrible.

5:59

Au chef Anglois a Nymes trop sejour,
Devers l'Espaigne au secours Aenobarbe:
Plusieurs mourrant par Mars ouvert ce jour,
Quand an Artois faillir estoille en barbe.

5:60

Par teste rase viendra bien mal eslire,
Plus que sa charge ne porte passera.
Si grande fureur et raige fera dire,
Qu'a feu et sang tout sexe trenchera.



5:61

L'enfant du grand n'estant a sa naissance,
Subjugera les hauts monts Apennis:
Fera trembler tous ceux de la balance,
Et de monts feux jusques a mont Senis.

5:62

Sur les rochers sang on les verra plouvoir,
Sol Orient Saturne Occidental:
Pres d'Orgon guerre a Rome grand mal voir,
Nefs parfondrees, et prins le Tridental.

5:63

De vaine emprise l'honneur indue plaincte,
Galiotz errans par latins, froit, faim, vagues
Non loing du Tymbre de sang la terre taincte,
Et sur humains seront diverses plagues.

5:64

Les assemblés par repos du grand nombre
Par terre et mer conseil contremandé:
Pres de l'Autonne Gennes, Nice de l'ombre
Par champs et villes le chef contrebandé.

5:65

Subit venu l'effrayeur sera grande,
Des principaux de l'affaire cachés:
Et dame en braise plus ne sera en veue,
Ce peu a peu seront les grans fachés.

5:66

Soubs les antiques edifices vestaux,
Non esloignez d'aqueduct ruine.
De Sol etLune sont les luisans metaulx,
Ardante lampe, Traian d'or burine.

5:67

Quand chef Perouse n'osera sa tunique
Sans au couvert tout nud s'expolier:
Seront prins sept faict Aristocratique,
Le pere et fils mors par poincte au colier.

5:68

Dans le Danube et du Rhin viendra boire
Le grand Chameau, ne s'en repentira:
Trembler du Rosne, et plus fort ceux de Loire
Et pres des Alpes coq le ruinera.

5:69

Plus ne sera le grand en faux sommeil,
L'inquietude viendra prendre repoz:
Dresser phalange d'or, azur et vermeil
Subjuger Affrique la ronger jusques oz.

5:70

Des regions subjectes a la Balance
Feront troubler les monts par grande guerre,
Captifs tout sexe deu et tout Bisance,
Qu'on criera a l'aube terre a terre.

5:71

Par la fureur d'un qui attendra l'eau,
Par la grand raige tout l'exercite esmeu:
Chargé des nobles a dix sept bateaulx,
Au long du Rosne tard messagier venu.

5:72

Pour le plaisir d'edict voluptueux,
On meslera la poison dans l'aloy:
Venus sera en cours si vertueux,
Qu'obfusquera du Soleil tout a loy.

5:73

Persecutee sera de Dieu l'Eglise,
Et les sainctz temples seront expoliez:
L'enfant la mere mettra nud en chemise,
Seront Bizantes aux Polons ralliez.

5:74

De sang Troyen naistra coeur Germanique
Qui deviendra en si haute puissance:
Hors chassera gent estrange Bizantique,
Tournant l'Eglise en pristine preeminence.

5:75

Montera haut sur le bien plus a dextre,
Demourra assis sur la pierre quarree,
Vers le midy posé a la fenestre,
Baston tortu en main bouche serree.

5:76

En lieu libere tendra son pavillon,
Et ne voudra en citez prendre place
Aix, Carpens l'isle volce, mont Cavaillon,
Par tous ses lieux abolira la trasse.

5:77

Tous les degrez d'honneur Ecclesiastique
Seront changez en dial quirinal:
En Martial quirinal flaminique,
Puis un Roy de France le rendre vulcanal.

5:78

Les Deux unis ne tiendront longuement,
Et dans treize ans au Barbare Satrappe,
Au Deux costez feront tel perdement,
Qu'un benira le Barque et sa cappe.

5:79

La sacree pompe viendra baisser les aisles,
Par la venue du grand legislateur:
Humble haulssera, vexera les rebelles,
Naistra sur terre aucun aemulateur.

5:80

Logmion grande Bisance approchera.
Chassee sera la barbarique Ligne:
Des Deux loix l'une l'estinique laschera,
Barbare et franche en perpetuelle brigue.

5:81

L'oiseau royal sur la cité Solaire,
Sept mois devant fera nocturne augure:
Mur d'Orient cherra tonnerre esclaire,
Sept jours aux portes les ennemis a l'heure.

5:82

Au conclud pache hors de la forteresse,
Ne sortira celuy en desespoir mis:
Quant ceux d'Arbois, de Langres, contre Bresse,
Auront monts Dolle bouscade d'ennemis.

5:83

Ceux qui auront entreprins subventir,
Nompareil regne, puissant et invincible:
Feront par fraude, nuicts trois advertir,
Quant le plus grand a table lira Bible.

5:84

Naistra du gouphre et cité immesuree,
Nay de parents obscure et tenebreux:
Qui la puissance du grand Roy reveree,
Voudra destruire par Rouen et Evereux.

5:85

Par les Sueves et lieux circonvoisins.
Seront en guerre pour cause des nuees.
Gamp marins locustes et cousins,
Du Leman fautes seront bien desnuees.

5:86

Par les Deux testes, et trois bras separés,
La cité grande par eaux sera vexee:
Des grands d'entre eux par exile esgarés,
Par teste perse Bisance fort pressee.

5:87

L'an que Saturne hors de servage,
Au franc terroir sera d'eau inundé:
De sang Troyen sera son mariage,
Et sera ceur d'Espaignols circundé.

5:88

Sur le sablon par un hiDeux deluge,
Des autres mers trouvé monstre marin:
Proche du lieu sera faict un refuge,
Tenant Savone esclave de Turin.

5:89

Dedans Hongrie par Boheme, Nauarre,
Et par banniere sainctes seditions:
Par fleurs de lys pays portant la barre,
Contre Orleans sera esmotions.

5:90

Dans le cyclades, en perinthe et larisse,
Dedans Sparte tout le Pelloponnesse:
Si grand famine, peste par faux connisse,
Neuf mois tiendra et tout le chevronnesse.

5:91

Au grand marché qu'on dict des mensongiers,
Du tout Torrent et champ Athenien:
Seront surprins par les chevaux legiers,
Par Albanois Mars, Leo, Sat. un versien.

5:92

Apres le siege tenu dix sept ans,
Cinq changeront en tel revolu terme:
Puis sera l'un esleu de mesme temps,
Qui des Romains ne sera trop conforme.

5:93

Soubs le terroir du rond globe lunairs,
Lors que sera dominateur Mercure:
L'isle d'Escosse fera un luminaire,
Qui les Anglois mettra a deconfiture.

5:94

Translatera en la grand Germanie,
Brabant et Flandres, Gand, Bruges, et Bolongne:
La traifue fainte le grand duc d'Armenie,
Assaillira Vienne et la Coloigne.

5:95

Nautique rame invitera les umbres,
Du grand Empire lors viendra conciter:
La mer Aegee des lignes les encombres
Empeschant l'onde Tirremme defflottez.

5:96

Sur le milieu du grand monde la rose,
Pour nouveaux faicts sang public espandu:
A dire vray on aura bouche close,
Lors au besoing viendra tard l'attendu.

5:97

Le nay defforme par horreur suffoqué,
Dans la cité du grand Roy habitable:
L'edict severe des captifs revoqué,
Gresle et tonnerre, Condon inestimable.

5:98

A quarante huict degré climaterique,
A fin de Cancer si grande seicheresse:
Poisson en mer, fleuve: lac cuit hectique,
Bearn, Bigorre par feu ciel en destresse.

5:99

Milan, Ferrare, Turin, et Aquillaye,
Capne, Brundis vexés par gent Celtique:
Par le Lyon et phalange aquilee
Quant Rome aura le chef vieux Britannique.

5:100

Le boutefeu par son feu attrapé,
Du feu du ciel a Carcas et Cominge:
Foix, Aux, Mazere, haut veillart eschappé,
Par ceux de Hasse des Saxons et Turinge.

6:1
Autour des m